ଅହମଦାବାଦ୍,୨୨।୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଫେବୃୟାରୀ ୨୪ରେ ଭାରତ ଗସ୍ତରେ ଆସୁଛନ୍ତି। ତାଙ୍କ ପରିବାର ପାଇଁ ୫ ସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ସୁରକ୍ଷା କାର୍ଯ୍ୟରେ ୨୫ ହଜାରରୁ ଅଧିକ ପୋଲିସ କର୍ମୀଙ୍କୁ ମୁତୟନ କରାଯାଇଛି। ଟ୍ରମ୍ପ୍ଙ୍କ ୩୬ ଘଣ୍ଟିଆ ଗସ୍ତ କାର୍ଯ୍ୟକ୍ରମରେ ୧୦୦ କୋଟି ଟଙ୍କାରୁ ଅଧିକ ଖର୍ଚ୍ଚ ହେବ। ଟ୍ରମ୍ପ୍ ପରିବାର ସଦସ୍ୟଙ୍କ ଆଭ୍ୟନ୍ତରୀଣ ସୁରକ୍ଷା ଦାୟିତ୍ୱ ସମ୍ପୂର୍ଣ୍ଣ ଭାବେ ଆମେରିକା ସିକ୍ରେଟ୍ ସର୍ଭିସ୍ ହାତରେ ରହିବ। ସେହିପରି ଅନ୍ୟ ସୁରକ୍ଷାସ୍ତରଗୁଡ଼ିକର ଦାୟିତ୍ୱରେ ଏନ୍ଏସ୍ଜି, ଚେତକ କମାଣ୍ଡୋ, ଅର୍ଦ୍ଧ ସାମରିକ ସୁରକ୍ଷାକର୍ମୀ, ପୋଲିସକର୍ମୀଙ୍କୁ ନିୟୋଜିତ କରାଯାଇଛି।