ନୂଆଦିଲ୍ଲୀ,୧୬।୧୧:ଭାରତର ନୂତନ ତାରକା ସୂର୍ଯ୍ୟକୁମାର ଯାଦବ ଆଇସିସି ଟି-୨୦ ର଼୍ୟାଙ୍କିଙ୍ଗରେ ଶୀର୍ଷରେ ରହିଛନ୍ତି। ତାଙ୍କର ୮୫୯ ରେଟିଂ ପଏଣ୍ଟ ରହିଛି ଏବଂ ଦ୍ୱିତୀୟ ସ୍ଥାନରେ ଥିବା ମହମ୍ମଦ ରିଜୱାନଙ୍କ ଠାରୁ ସେ ୨୩ ପଏଣ୍ଟ ଆଗରେ ଅଛନ୍ତି। ରିଜୱାନରେ ୮୩୬ ରେଟିଂ ପଏଣ୍ଟ ଅଛି। ସୂର୍ଯ୍ୟକୁମାରଙ୍କ ବ୍ୟତୀତ ଶ୍ରେଷ୍ଠ ୧୦ରେ ଅନ୍ୟ କୌଣସି ଭାରତୀୟ ବ୍ୟାଟ୍ସମ୍ୟାନ ନାହାଁନ୍ତି। ବିରାଟ କୋହଲି ଏକାଦଶ ସ୍ଥାନରେ ଅଛନ୍ତି। ଏଥି ସହିତ ହାର୍ଦ୍ଦିକ ପାଣ୍ଡ୍ୟା ଅଲରାଉଣ୍ଡର ମାନ୍ୟତାର ଶ୍ରେଷ୍ଠ ୧୦ରେ ସ୍ଥାନ ପାଇଛନ୍ତି। ସେ ତୃତୀୟ ସ୍ଥାନରେ ଅଛନ୍ତି। ହାର୍ଦ୍ଦିକ ଏବଂ ସୂର୍ଯ୍ୟକୁମାରଙ୍କ ବ୍ୟତୀତ କୌଣସି ଭାରତୀୟ ଖେଳାଳି ଟି-୨୦ ର଼୍ୟାଙ୍କିଙ୍ଗର ଶ୍ରେଷ୍ଠ ୧୦ରେ ନାହାଁନ୍ତି।
ବୋଲର ମାନ୍ୟତାରେ ଶ୍ରୀଲଙ୍କାର ଭାନିନ୍ଦୁ ହାସରାଙ୍ଗା ଶୀର୍ଷରେ ରହିଛନ୍ତି। ରସିଦ ଖାନ ଦ୍ୱିତୀୟ ସ୍ଥାନରେ ଅଛନ୍ତି। ଅଲରାଉଣ୍ଡର ମାନ୍ୟତାରେ ଶାକିବ ଅଲ ହାସନ, ମହମ୍ମଦ ନବୀ ଏବଂ ହାର୍ଦ୍ଦିକ ପାଣ୍ଡ୍ୟା ଶୀର୍ଷ ତିନିଟି ସ୍ଥାନ ଅଧିକାର କରିଛନ୍ତି।