ନୂଆଦିଲ୍ଲୀ, ୨୯ା୫ (ପି.ଟି.)-ଭାରତୀୟ ଅଲିମ୍ପିକ ଆସୋସିଶନ (ଆଇଓଏ) ସଭାପତି ନରିନ୍ଦର ବାତ୍ରାଙ୍କ ପିତା କରୋନାଭାଇରସ୍ରେ ସଂକ୍ରମିତ ହୋଇଛନ୍ତି। ତାଙ୍କର ଦୁଇ ଆଟେଣ୍ଡାଣ୍ଟ ଏବଂ ବାସଭବନରେ ପ୍ରହରା ଦେଉଥିବା ଦୁଇ ସୁରକ୍ଷା କର୍ମୀ ମଧ୍ୟ କରୋନା ପଜିଟିଭ୍ ବୋଲି କୋଭଡି-୧୯ ଟେଷ୍ଟରୁ ଜଣାପଡ଼ିଛି। ଫଳରେ ଆସନ୍ତା ୧୭ ଦିନ ଧରି ନିଜ ଘରେ କ୍ୱାରାଣ୍ଟାଇନ୍ରେ ରହିବେ ବୋଲି ଆଇଓଏ ସଭାପତି ଏକ ବିବୃତିିରେ ପ୍ରକାଶ କରିଛନ୍ତି। ବାତ୍ରାଙ୍କ ବାପା ହସ୍ପିଟାଲରେ ଭର୍ତ୍ତି ହୋଇଛନ୍ତି। ସେ କହିଛନ୍ତି, ସମ୍ଭବତଃ ନିକଟରେ ନୂତନ ଭାବେ ଯୋଗ ଦେଇଥିବା ଆଟେଣ୍ଡାଣ୍ଟଙ୍କଠାରୁ ତାଙ୍କ ପିତା ସଂକ୍ରମିତ ହୋଇଛନ୍ତି। ବାସଭବନରେ ଆମ ପରିବାରର ୫ ସଦସ୍ୟଙ୍କ ବ୍ୟତୀତ ଅନ୍ୟ ୧୩ ଷ୍ଟାଫ୍ କ୍ୱାର୍ଟରରେ ଅବସ୍ଥାନ କରୁଛନ୍ତି। ଆମ ସମସ୍ତଙ୍କର କୋଭିଡ୍-୧୯ ଟେଷ୍ଟ ହୋଇଥିଲା। ଉପରୋକ୍ତ ୫ଜଣଙ୍କୁ ଛାଡ଼ିଦେଲେ ଅନ୍ୟ ସମସ୍ତଙ୍କ ଫଳାଫଳ ନେଗେଟିଭ୍ ଆସିଥିଲା। ଜୁନ୍ ୩ କିମ୍ବା ୪ରେ ଆଉ ଥରେ କୋଭିଡ୍-୧୯ ଟେଷ୍ଟ ପର୍ଯ୍ୟନ୍ତ ମୁଁ ନିଜେ ଓ ଅନ୍ୟମାନେ କ୍ୱାରାଣ୍ଟାଇନ୍ରେ ରହିବୁ ବୋଲି ବାତ୍ରା କହିଛନ୍ତି।