ଭୁବନେଶ୍ୱର,୪ା୫(ବ୍ୟୁରୋ): ଚନ୍ଦ୍ରଶେଖରପୁର ଥାନା ଅଞ୍ଚଳରେ ଥିବା ଏକ ଘରୋଇ ହସ୍ପିଟାଲର ନର୍ସଙ୍କ ହ୍ବାଟ୍ସଆପ୍ ନମ୍ବରକୁ କେହି ଦୁର୍ବୃତ୍ତ ଅଶ୍ଲୀଳ ଭିଡ଼ିଓ ଓ ମେସେଜ ପଠାଉଥିବା ଅଭିଯୋଗ ହୋଇଛି। ପୋଲିସ ଅଭିଯୋଗକୁ ଭିତ୍ତିକରି ତଦନ୍ତ ଚଳାଇଛି। ସୂଚନା ଅନୁଯାୟୀ, ନର୍ସଙ୍କୁ ପ୍ରଥମେ କେହି ଦୁର୍ବୃତ୍ତ ଏସ୍ଏମ୍ଏସ୍ ମାଧ୍ୟମରେ ତାଙ୍କ ଚାକିରି ଛଡ଼ାଇନେବା ନେଇ ଧମକାଇଥିଲେ। ପରେ ଉକ୍ତ ନମ୍ବରରୁ ବାରମ୍ବାର ଅଶ୍ଲୀଳ ଭିଡ଼ିଓ ଓ ଫଟୋ ପଠାଇଥିଲେ। ଏପରିକି ନର୍ସ ଜଣଙ୍କ ଉକ୍ତ ନମ୍ବରକୁ ଫୋନ୍ କରିଥିଲେ ମଧ୍ୟ ସେ ଉଠାଇ ନ ଥିଲେ। ଏ ନେଇ ନର୍ସ ଜଣଙ୍କ ଥାନାରେ ଅଭିଯୋଗ କରିଛନ୍ତି।