ଜୁନାଗଡ଼,୨୪।୯(ଡି.ଏନ.ଏ.)
କଳାହାଣ୍ଡି ଜିଲାରେ ଏକ ଗଣ ବଳାତ୍କାର ଘଟଣା ଘଟିଛି। ଜଣେ ନର୍ସିଂ ଛାତ୍ରୀଙ୍କୁ ଲିଫ୍ଟ ଦେବା ଆଳରେ ଜଙ୍ଗଲକୁ ନେଇ ଗଣବଳାକତ୍ାର କରାଯାଇଛି ା ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି ା ଏ ନେଇ ଜୁନାଗଡ ଥାନାରେ ଅଭିଯୋଗ ହୋଇଛି। ଏହି ଘଟଣାକୁ କଳାହାଣ୍ଡି ଏସ୍ପି ବି ଗଙ୍ଗାଧର ଗୁରୁତର ସହ ଗ୍ରହଣ କରି ଅଭିଯୁକ୍ତମାନଙ୍କୁ ଗିରଫ ପାଇଁ ୩ଟି ସ୍କ୍ବାଡ ଗଠନ କରିଛନ୍ତି। ସୋମବାର ସୁଦ୍ଧା ପୋଲିସ ଜଣଙ୍କୁ ଅଟକ ରଖି ପଚରାଉଚୁରା କରୁଛି। ଅଟକ ବ୍ୟକ୍ତିଙ୍କୁ ଧରି ଏସ୍ପି ବି.ଗଙ୍ଗାଧର ଫରେନସିକ ଟିମ୍ ସହ ଘଟଣା ସ୍ଥଳରେ ପହଞ୍ଚତ୍ ପରିସ୍ଥିତି ଅନୁଧ୍ୟାନ କରିଛନ୍ତି।
ମିଳିଥିବା ସୂଚନା ଅନୁଯାୟୀ, ଗଣବଳାତ୍କାର ଶିକାର ହୋଇଥିବା ଛାତ୍ରୀ ଜଣକ ଜୁନାଗଡର ଏକ ଘରୋଇ ନର୍ସିଂ କେନ୍ଦ୍ରରେ ତାଲିମ ନେଉଥିଲେ ା ପ୍ରତିଦିନ ସେ ଏକ ଘରୋଇ ବସ୍ରେ ଘରୁ ଜୁନାଗଡକୁ ଯାତାୟାତ କରିଥାନ୍ତି। ଗତ ୧୪ ତାରିଖ ଦିନ ସେ ଚିକିତ୍ସା ପାଇଁ ଭବାନୀପାଟଣାକୁ ଯାଇଥିଲେ। ସେଠାରୁ ଅପରାହ୍ନ ୧.୪୫ରେ ଭବାନୀପାଟଣା ବସଷ୍ଟାଣ୍ଡ ରାସ୍ତାକଡରେ ଠିଆ ହୋଇ ବସ୍କୁ ଅପେକ୍ଷା କରିଥିଲେ। ଏହି ସମୟରେ ସେ ଯାତାୟାତ କରୁଥିବା ଘରୋଇ ବସ୍ର ଡ୍ରାଇଭରଙ୍କ ସହ ତାଙ୍କର ଦେଖା ହୋଇଥିଲା। କୋକସରାକୁ ଆଉ ବସ୍ ନାହିଁ ା ତାଙ୍କ ସହ ଆଉ କେହି ଆସି ନ ଥିବା ଛାତ୍ରୀ ଜଣକ ଡ୍ରାଇଭରଙ୍କୁ କହିଥିଲେ। ତୁମେ ମୋ ବାଇକ୍ରେ ଆସ ମୁଁ ତୁମକୁ ଘରେ ଛାଡି ଦେବି ବୋଲି ଡ୍ରାଇଭର ତାଙ୍କୁ କହିଥିଲେ। ଡ୍ରାଇଭରଙ୍କ କଥାରେ ବିଶ୍ୱାସ କରି ଛାତ୍ରୀ ଜଣକ ତାଙ୍କ ବାଇକ୍ରେ ଆସିଥିଲେ। ଏହି ସମୟରେ ଡ୍ରାଇଭରଙ୍କୁ ଅନ୍ୟ କାହାର ଫୋନକଲ ଆସିଥିଲା। ମୁଁ ଆସୁଛି କହି ଡ୍ରାଇଭର ଫୋନ୍ କାଟି ଦେଇଥିଲେ। ଜୁନାଗଡ ନିକଟସ୍ଥ ବନମାଳୀପୁରଠାରେ ଡ୍ରାଇଭର ନିଜ ବାଇକ୍ ଗତିକୁ ମନ୍ଥର କରି ଦେଇଥିଲେ । ଏହାର କିଛି ସମୟ ପରେ ଘଟଣାସ୍ଥଳରେ ୬ରୁ ୭ ଜଣ ବ୍ୟକ୍ତି ପହଞ୍ଚତ୍ ଛାତ୍ରୀଙ୍କ ମୁହଁରେ କପଡା ଘୋଡେଇ ନିକଟସ୍ଥ ଘନା ଜଙ୍ଗଲକୁ ଟେକି ନେଇଥିଲେ। ଏହାପରେ ସେମାନେ ତାଙ୍କୁ ଛୁରୀ ଦେଖାଇ ଜଣକ ପରେ ଜଣେ ବଳାକତ୍ାର କରିଥିଲେ। ଏହି ଘଟଣା କାହାକୁ ଜଣାଇଲେ ଜୀବନରୁ ମାରି ଦିଆଯିବ ବୋଲି ସେମାନେ ଧମକ ଦେଇଥିଲେ। ଏପରିକି ଜଣେ ବ୍ୟକ୍ତି ଉକ୍ତ ଘଟଣାର ଭିଡିଓ ସୁଟିଂ କରୁଥିଲେ। ବହୁ କଷ୍ଟରେ ଛାତ୍ରୀ ଜଣକ ସେମାନଙ୍କ କବଳରୁ ଆସି ରାସ୍ତାରେ ପହଞ୍ଚତ୍ ଥିଲେ ା ଏହାର କିଛି ସମୟ ପରେ ଉକ୍ତ ବସ୍ ଡ୍ରାଇଭର ତାଙ୍କ ପାଖକୁ ଆସିଥିଲେ। ଏ ସମ୍ପର୍କରେ ପୀଡିତା ଥାନାରେ ଏତଲା ଦେବା ପାଇଁ କହୁଥିଲେ ମଧ୍ୟ ସେ ମନା କରିଥିଲେ। ଏହି ଘଟଣା ପ୍ରଘଟ ହେଲେ ତୁମର ଇଜ୍ଜତ ଯିବ ବୋଲି ସେ ପୀଡିତାଙ୍କୁ କହିଥିଲେ। ହେଲେ ଏହାର କିଛିଦିନ ପରେ ଅଭିଯୁକ୍ତମାନେ ଉକ୍ତ ଭିଡିଓକୁ ଭାଇରାଲ କରି ଦେଇଥିଲେ। ଏ କଥା ଜଣାପଡିବା ପରେ ପୀଡିତା ରବିବାର ବିଳମ୍ବିତ ରାତିରେ ଜୁନାଗଡ ଥାନାରେ ଏତଲା ଦେଇଛନ୍ତି। ସମ୍ପୃକ୍ତ ବସ୍ ଡ୍ରାଇଭରଙ୍କୁ ପୋଲିସ ଅଟକ ରଖି ପଚରାଉଚୁରା କରୁଛି। ଏ ନେଇ ଜୁନାଗଡ ଥାନାରେ ଏକ ମାମଲା (ନଂ. ୨୨୪/୧୯) ରୁଜୁ ହୋଇଛି। ଏହି ଘଟଣାରେ ବସ୍ ଡ୍ରାଇଭର ସାମିଲ ଥିବା ଓ ଅଭିଯୁକ୍ତଙ୍କ ପ୍ରତି ପୋଲିସ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପୀଡିତାଙ୍କ ବାପା ଦାବି କରିଛନ୍ତି। ଏ ନେଇ କଳାହାଣ୍ଡି ଏସ୍ପି ବି ଗଙ୍ଗାଧରଙ୍କୁ ପଚାରିବାରୁ ତଦନ୍ତ ଚାଲିଛି, ଖୁବଶୀଘ୍ର ଘଟଣାର ଫର୍ଦ୍ଦାଫାଶ ହେବ ବୋଲି କହିଛନ୍ତି ା