କ.ନୂଆଗାଁ,୧୫ା୧୧(ଡି.ଏନ୍.ଏ.):କ.ନୂଆଗାଁ ଥାନା ଅଞ୍ଚଳରେ ଗୁରୁବାର ଚଢ଼ାଉ କରାଯାଇ ଗଞ୍ଜେଇ ଚାଷ ନଷ୍ଟ କରାଯାଇଛି। ସାଇନପଡା, ସାନମୁଣ୍ଡାର ଗାଁ ଓ ବଡମୁଣ୍ଡାରଗାଁ ଅଞ୍ଚଳରେ ପୋଲିସ ଓ ଅବକାରୀ ବିଭାଗ ତରଫରୁ ମିଳିତ ଚଢାଉ କରି ପ୍ରାୟ ୧୦୦ ଏକର ଜମିରେ ଲାଗିଥିବା ପ୍ରାୟ ୧ ଲକ୍ଷ ଗଞ୍ଜେଇ ଗଛକୁ ପୋଡି ନଷ୍ଟ କରାଯାଇଛି। ଯାହାର ଆନୁମାନିକ ମୂଲ୍ୟ ୧୦ କୋଟି ହେବ ବୋଲି କ.ନୂଆଗାଁ ଥାନା ଅଧିକାରୀ ଶ୍ରୀନିବାସ ସାମଲ କହିଛନ୍ତି। ଉକ୍ତ ସମୟରେ ମାଜିଷ୍ଟ୍ରେଟ ଭାବେ କ.ନୂଆଗାଁ ବିଡିଓ ମନୋଜ କୁମାର ତ୍ରିପାଠୀ, ଅବକାରୀ ଇନ୍ସପେକ୍ଟର ଦେବିପ୍ରସାଦ ମିଶ୍ର, କ.ନୂଆଗାଁ ଓଆଇସି (ସେକେଣ୍ଡ ଅଫିସର) ପ୍ରକାଶ ଚନ୍ଦ୍ର ପ୍ରଧାନଙ୍କ ସମେତ ଅବକାରୀ ବିଭାଗ ଓ ଥାନାର କର୍ମଚାରୀମାନେ ଯୋଗ ଦେଇଥିଲେ।