ମୁମ୍ବାଇ: ବଲିଉଡ୍ର ଦୁଇ ବରିଷ୍ଠ ଅଭିନେତା ନସିରୁଦ୍ଦିନ ଶାହା ଓ ଅନୁପମ ଖେର ଏବେ ଅଛନ୍ତି ଚର୍ଚ୍ଚାରେ। ନିକଟରେ ନସିରୁଦ୍ଦିନ ଶାହା ଏକ ସାକ୍ଷାତ୍କାରରେ ଅଭିନେତା ଅନୁପମ ଖେରଙ୍କୁ ପରିହାସକାରୀ ବ୍ୟକ୍ତି ବୋଲି କହିଥିଲେ। ଆଉ ଅନୁପମ ଏକ ଭିଟିଓ ଟୁଇଟ୍ କରି ଏହାର କଡା ଜବାବ ଦେଇଥିଲେ। ଏମିତି କଥାକୁ ନେଇ ଏବେ ଚର୍ଚ୍ଚାରେ ଏହି ଦୁଇ ଅଭିନେତା। ଏବେ ଏମାନଙ୍କ ଏହି ଓ୍ବାରକୁ ଦେଖି ଲୋକଙ୍କର ଭିନ୍ନ ଭିନ୍ନ ପ୍ରତିକ୍ରିୟା ଆସୁଛି। ଏଥିରୁ ବାଦ୍ ପଡି ନାହାନ୍ତି ବଲିଉଡ୍ ସେଲିବ୍ରିଟି। ଏହି କ୍ରମରେ ବଲିଉଡ୍ ନିର୍ଦ୍ଦେଶକ ରାହୁଲ ଢୋଲକିଆ ନସିରୁଦ୍ଦିନ ଶାହା ଓ ଅନୁପମ ଖେରଙ୍କ ବିବାଦକୁ ନେଇ ଟୁଇଟ୍ କରିଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହୋଇଛି। ଅବଶ୍ୟ ରାହୁଲ ଉଭୟଙ୍କୁ ଖୁବ୍ ସମ୍ମାନ ଦେବା ସହ ଉଭୟଙ୍କ ପ୍ରତିଭାକୁ ମଧ୍ୟ ପ୍ରଶଂସା କରିଛନ୍ତି। ଆଉ ଏମାନଙ୍କ ବିବାଦ ଦୁର୍ଭାଗ୍ୟପୂର୍ଣ୍ଣ ବୋଲି ସେ କହିଛନ୍ତି।
