ଜୁନାଗଡ,୮।୫(ଡି.ଏନ୍.ଏ.)-କଳାହାଣ୍ଡି ଜିଲା ଜୁନାଗଡ ବ୍ଲକର ୮୬ଜଣ ଚାଷୀ ଠିକ୍ ସମୟରେ ପ୍ୟାକ୍ସରେ ନିଜର କାଗଜପତ୍ର ଦେଇ ପାରି ନ ଥିବାରୁ ଚଳିତ ରବି (ଡାଳୁଅ)ଚାଷ ପାଇଁ ପଞ୍ଜୀକରଣ କରିପାରି ନାହାନ୍ତି। କିଛିଦିନ ତଳେ ଏହି ଚାଷୀମାନେ ଏ ନେଇ ଜିଲା ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ। ଏ ସମ୍ପର୍କରେ ତଦନ୍ତ କରିବାକୁ ଧର୍ମଗଡ ଉପଖଣ୍ଡ ପ୍ରଶାସନକୁ ଜିଲା ପ୍ରଶାସନ ନିର୍ଦ୍ଦେଶ ଦେଇଥିଲା। ଏଣୁ ଶୁକ୍ରବାର ଧର୍ମଗଡ ଉପଜିଲାପାଳ ପଦ୍ମନାଭ ବେହେରା ଜୁନାଗଡ ବ୍ଲକର ଚାରବାହାଲ, ଛୋରିଆଗଡ, ସାନଫୁର୍ଲା ଆଦି ଗାଁରେ ପହଞ୍ଚି ଏ ସମ୍ପର୍କରେ ତଦନ୍ତ କରିଛନ୍ତି। ଉପଜିଲାପାଳ ବେହେରା ଏହି ଚାଷୀଙ୍କୁ ଭେଟି ସମସ୍ୟା ନେଇ ପଚାରି ବୁଝିଛନ୍ତି। ଏହି ସମୟରେ ଜୁନାଗଡ ତହସିଲଦାର ଉପେନ୍ଦ୍ର ଲୁହା, ଏଆରସିଏସ୍ ଅକ୍ଷୟ କୁମାର ଦାଶଙ୍କ ସମେତ ରାଜସ୍ବ ବିଭାଗର କର୍ମଚାରୀମାନେ ଉପସ୍ଥିତ ଥିଲେ।