ଖଜୁରିପଡା,୩ା୧୧(ଡି.ଏନ୍.ଏ): ଖଜୁରିପଡା ଥାନା ଅଞ୍ଚଳରେ ଜଣେ ୧୪ ବର୍ଷର ନାବାଳକ ୪ ବର୍ଷର ନାବାଳକଙ୍କୁ ଅପ୍ରାକୃତିକ ଯୌନ ନିର୍ଯାତନା ଦେଇଛନ୍ତି। ଏ ନେଇ ନାବାଳକଙ୍କ ବାପା ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ନାବାଳକଙ୍କୁ ଧରି ଜୁଭେନାଇଲ ଜଷ୍ଟିସ ବୋର୍ଡରେ ହାଜର କରିଛି। ଏଥିସହ ପୀଡିତ ନାବାଳକଙ୍କୁ ଜିଲା ମଙ୍ଗଳ କମିଟିରେ ହାଜର କରିଛି। ସେଠାରୁ ତାଙ୍କୁ ଘରକୁ ପଠାଇ ଦିଆଯାଇଛି। ପ୍ରକାଶ ଯେ, ଶୁକ୍ରବାର ଜଣେ ୪ ବର୍ଷର ନାବାଳକ ଘର ପାଖରେ ଖେଳୁଥିଲେ। ସମ୍ପୃକ୍ତ ୧୪ ବର୍ଷର ନାବାଳକ ତାଙ୍କୁ କିଛି ଦୂରକୁ ଡାକିନେଇ ଅପ୍ରାକୃତିକ ଯୌନ ସମ୍ପର୍କ ସ୍ଥାପନ କରିଥିଲେ। ପିଲାଟି ଘରକୁ ଆସି ମା’ଙ୍କୁ ସବୁକଥା କହିଥିଲା। ପରେ ତାଙ୍କ ବାପା ଥାନାରେ ଏତଲା ଦେଇଥିଲେ। ପୋଲିସ ନଂ.୯୯/୧୯ରେ ମାମଲା ରୁଜୁ କରିଛି।