କୋକସରା,୧୨।୬ (ଡି.ଏନ.ଏ.)- କଳାହାଣ୍ଡି ଜିଲା କୋକସରା ଥାନା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ଓ ବଳାତ୍କାର ଅଭିଯୋଗରେ କୋକସରା ପୋଲିସ ବେହେରା ପଞ୍ଚାୟତ ନୁନପାଣି ଗାଁର ମନୋଜ ଖମାରୀ (୨୧)ଙ୍କୁ ଗିରଫ କରି ଗୁରୁବାର କୋର୍ଟ ଚାଲାଣ କରିଥିଲା ା ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି ା ଏ ସଂକ୍ରାନ୍ତରେ ଅଧିକ ତଦନ୍ତ ଚାଲଛି ବୋଲି ପୋଲିସ କହିଛି ା
ପୋଲିସ ସୂଚନା ଅନୁଯାୟୀ, ମନୋଜ ଧଅଁରପୁର ଗ୍ରାମରେ ଥିବା ତାଙ୍କ ସମ୍ପର୍କୀୟ ଘରେ କିଛିଦିନ ରହିଥିଲେ ା ଏହି ସମୟରେ କୋକସରା ଥାନା ଅଞ୍ଚଳର ଜଣେ ନାବାଳିକାଙ୍କ ସହ ତାଙ୍କର ପ୍ରେମସମ୍ପର୍କ ଗଢ଼ିଉଠିଥିଲା। ବିବାହର ପ୍ରତିଶ୍ରୁତି ଦେଇ ସେ ଗତ ୭ ତାରିଖ ରାତିରେ ସମ୍ପୃକ୍ତା ନାବାଳିକାଙ୍କୁ ନିଜ ବାଇକ୍ରେ ବସାଇ ଛତିଶଗଡ଼ର ବରେଇଗାଁକୁ ନେଇଯାଇଥିଲେ ା ସେଠାରେ ତାଙ୍କୁ ବଳାତ୍କାର କରିଥିଲେ ା ରାତିରେ ପରିବାର ଲୋକେ ଝିଅକୁ ବହୁ ଖୋଜିଥିଲେ ମଧ୍ୟ ପାଇ ନ ଥିଲେ ା ଏ ନେଇ ୮ ତାରିଖରେ ମନୋଜ ତାଙ୍କ ନାବାଳିକା ଝିଅକୁ ଅପହରଣ କରି ନେଇଥିବା ପରିବାର ଲୋକେ କୋକସରା ଥାନାରେ ଅଭିଯୋଗ କରିଥିଲେ ା ପୋଲିସ ତନାଘନା ଆରମ୍ଭ କରିଥିଲା ା ଶେଷରେ ପୋଲିସ ଛତିଶଗଡ଼ର ବରେଇ ଗାଁରେ ଚଢ଼ାଉ କରି ମନୋଜ ଓ ନାବାଳିକାଙ୍କୁ ଉଦ୍ଧାର କରିଥିଲା ା ଏ ସଂକ୍ରାନ୍ତରେ ଏକ ମାମଲା(ନଂ.୧୪୦/୨୦) ରୁଜୁ ହୋଇଛି ା