ବାରିପଦା ଅଫିସ,୩୦।୧୧- ମୟୂରଭଞ୍ଜ ଜିଲା ସହକାରୀ ଦୌରାଜଜ୍ (ସ୍ପେସାଲ ଟ୍ରାକ) ଶାନ୍ତନୁ କୁମାର ଦାଶ ଶୁକ୍ରବାର ଏକ ଗଣବଳାତ୍କାର ମାମଲାର ବିଚାର କରି ଅଭିଯୁକ୍ତଙ୍କୁ ୧୦ ବର୍ଷ ଜେଲଦଣ୍ଡାଦେଶ ଦେବା ସହ ୧୦ ହଜାର ଟଙ୍କା ଜରିମାନା କରିଛନ୍ତି। ମକଦ୍ଦମା ବିବରଣୀ ଅନୁଯାୟୀ ମୟୂରଭଞ୍ଜ ଜିଲା ମୋରଡା ଥାନା ଅଧୀନ ଏକ ଗ୍ରାମର ଜଣେ ନାବାଳିକା ତାଙ୍କ ପରିବାର ସହିତ ଗତ ୨୦୦୫ ମସିହା ଅକ୍ଟୋବର ୧୧ ତାରିଖ ରାତି ୧୦ ଟା ବେଳେ ଦୁର୍ଗାପୂଜା ମେଳା ବୁଲିବାକୁ ଯାଇଥିଲେ। ସେତେବେଳେ ସୁଯୋଗ ପାଇଁ ସେହି ଅଞ୍ଚଳର କାର୍ତ୍ତିକ ପାତ୍ର ଓ ଗଗନ ସିଂ ସମ୍ପଅକ୍ତ ନାବାଳିକାଙ୍କୁ ଟେକି ନେଇ ଗଣବଳାତ୍କାର କରିଥିଲେ। ଏନେଇ ମୋରଡା ଥାନାରେ ଅଭିଯୋଗ ହେବା ପରେ ପୋଲିସ ଏକ ମାମଲା (ନଂ.୬୮/୨୦୦୫) ରୁଜୁ କରି ତଦନ୍ତ କରିଥିଲା। ପରେ ପୋଲିସ ଗଗନ ସିଂଙ୍କୁ ଗିରଫ କରିଥିବା ବେଳେ କାତ୍ତିକ ପାତ୍ର ଫେରାର ଯାଇଥିଲେ। ପ୍ରଥମେ ଧରାପଡିଥିବା ଗଗନ ସିଂଙ୍କୁ କୋର୍ଟ ୨୦୦୭ ମସିହାରେ ୧୦ ବର୍ଷ ଜେଲ ଦଣ୍ଡ ସହିତ ୫ ହଜାରଟଙ୍କା ଜରିମାନା ଦଣ୍ଡଶଦେଶ ଦେଇଥିଲେ। ପରେ ଅର୍ଥାତ ଗତ ୨୮ ଜୁଲାଇ ୨୦୧୭ ମସିହାରେ ପୋଲିସ ଅନ୍ୟ ଅଭିଯୁକ୍ତ କାତ୍ତିକ ପାତ୍ରଙ୍କୁ ଗିରଫ କରିଥିଲା। କୋର୍ଟ ପକ୍ଷରୁ ଶୁକ୍ରବାର ମାମଳାର ବିଚାର କରାଯାଇ ତାଙ୍କୁ ଉପରୋକ୍ତ ଦଣ୍ଡ ପ୍ରଦାନ କରାଯାଇଛି।