ବଣାଇ,୧୫ା୬(ସ୍ବ.ପ୍ର.): ସୁନ୍ଦରଗଡ଼ ଜିଲା ବଣାଇ ଉପଖଣ୍ଡର କେ.ବଳଙ୍ଗା ଥାନା ଅନ୍ତର୍ଗତ କମାରପୋଷ ଗ୍ରାମର ଜଣେ ନାବାଳକ ନାଳରେ ଗାଧୋଉଥିବା ବେଳେ ହଠାତ୍ ପାଣି ଚାଲିଆସିବାରୁ ସେ ଭାସିଯାଇଥିଲେ। ଅଗ୍ନିଶମ ବିଭାଗର କର୍ମଚାରୀଙ୍କ ଉଦ୍ୟମରେ ତାଙ୍କୁ ଉଦ୍ଧାର କରାଯାଇଥିବାରୁ ସେ ନୂଆ ଜୀବନ ପାଇଛନ୍ତି।
ସୂଚନାଯୋଗ୍ୟ, ରବିବାର ଅପରାହ୍ନରେ ପୋଷଗ୍ରାମ କୁରାଢ଼ି ନାଳରେ ଗ୍ରାମର ପ୍ରାୟ ୧୦ ଜଣ ନାବାଳକ ଗାଧୋଉଥିବା ବେଳେ ହଠାତ୍ ସ୍ରୋତ ଆସିବାରୁ ସମସ୍ତେ ଭାସି ଯାଇଥିଲେ। ତାଙ୍କ ମଧ୍ୟରୁ ୯ ଜଣ କୂଳକୁ ଫେରିବାରେ ସକ୍ଷମ ହୋଇଥିଲା ବେଳେ ସୁନୀଲ ମହାନ୍ତଙ୍କ ନାବାଳକ ପୁଅ ଫେରି ପାରି ନ ଥିଲେ l ଏକ ବୁଦାକୁ ଧରି ସେ ଅଟକି ଯାଇଥିଲେ। ଏ ସମ୍ପର୍କରେ ବଣାଇ ଅଗ୍ନିଶମ ବିଭାଗକୁ ସୂଚନା ଦେବା ପରେ କର୍ମଚାରୀମାନେ ବିଭାଗୀୟ ଅଧିକାରୀ ବିଜୟ ସାମଲଙ୍କ ନେତୃତ୍ୱରେ କୁରାଢି ନାଳରେ ପହଞ୍ଚି ନାବାଳକଙ୍କୁ ଉଦ୍ଧାର କରିଥିଲେ। ବଣାଇ ସମେତ ସମଗ୍ର ଜିଲାରେ ଅଗ୍ନିଶମ ବିଭାଗର କର୍ମଚାରୀଙ୍କ ଏଭଳି ସାହସିକତାକୁ ପ୍ରଶଂସା କରିଛନ୍ତି।