ଭୋପାଳ,୨୯।୫: ମଧ୍ୟପ୍ରଦେଶରେ ଜଣେ ଜିଲାପାଳ ନିଜେ ଜେସିବି ମେସିନ୍ ଚଳାଇ ଏକ ନାଳ ସଫା କରିଛନ୍ତି। ସ୍ଥାନୀୟ ସିଧି ଅଞ୍ଚଳରେ ଜିଲାପାଳ ଅଭିଷେକ ସିଂ ୨୦ ମିନିଟ୍ରୁ ଅଧିକ ସମୟ ପର୍ଯ୍ୟନ୍ତ ଜେସିବି ଚଳାଇ ନାଳ ସଫା କରିଥିଲେ। ଜିଲାପାଳ ନାଳ ସଫା କରୁଥିବା ଦେଖି ଲୋକେ ଜମା ହୋଇଯାଇଥିଲେ। କେତେକ ଏହାର ଫଟୋ ତଥା ଭିଡ଼ିଓ ଶୁଟିଂ କରୁଥିବା ଦେଖାଯାଇଥିଲା। ଜିଲାପାଳଙ୍କ ସହିତ ଏଡିଏମ୍ କେ.ପି.ପାଣ୍ଡେ, ଅତିରିକ୍ତ ଏସ୍ପି ସୂର୍ଯ୍ୟକାନ୍ତ ଶର୍ମାଙ୍କ ସମେତ କେତେକ ସାମାଜିକକର୍ମୀ ମଧ୍ୟ ଉପସ୍ଥିତ ଥିଲେ।