ଜଗନ୍ନାଥ ପ୍ରସାଦ, ୨୪।୧୦(ଡି.ଏନ.ଏ): ଗଞ୍ଜାମ ଜିଲା ଜଗନ୍ନାଥ ପ୍ରସାଦ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଦୁଇଦିନ ଧରି ଡାକ୍ତର ଅନୁପସ୍ଥିତ ଥିବା ଯୋଗୁ ଜଣେ ଆୟୁଷ ଆୟୁର୍ବେଦ ଡାକ୍ତରଙ୍କ ହାତରେ ସ୍ବାସ୍ଥ୍ୟକେନ୍ଦ୍ର ଦାୟିତ୍ୱ ଦିଆଯାଇଥିଲା। ଏହି କାରଣରୁ ଜଣେ ଦିବ୍ୟାଙ୍ଗଙ୍କ ଜୀବନ ଚାଲି ଯାଇଥିବା ଅଭିଯୋଗ ହୋଇଛି। ଆଜ୍ଞାପ୍ରସାଦ ଗ୍ରାମର ଜଣେ ରାଧାକୃଷ୍ଣ ଗୌଡ଼ ନାମକ ଜଣେ ଦିବ୍ୟାଙ୍ଗ ୩ ଦିନ ଧରି ଜ୍ୱରରେ ପୀଡିତ ହୋଇ ଡାକ୍ତରଖାନା ଆସିଥିଲେ। ଚିକିତ୍ସାର ଅବହେଳା ଯୋଗୁ ପୁଅର ଜୀବନ ଚାଲିଯାଇଥିବା ବାପା ଭଗବାନ ଗୌଡ଼ କହିଛନ୍ତି। ମେଡିକାଲରେ ପୂର୍ବରୁ ଡାକ୍ତରୀ ପଦବୀ, କମ୍ପାଉଣ୍ଡର ଏବଂ କର୍ମଚାରୀ ପଦବୀ ଖାଲି ଥିବାବେଳେ ଏହାକୁ ପୂରଣ କରାଯାଉନାହିଁ। ଆଜି ରୋଗୀ ମୃତ୍ୟୁ ପରେ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ଜିଲା ସ୍ବାସ୍ଥ୍ୟ ଅଧିକାରୀ ବିଜୟ କୁମାର ପାଣିଗ୍ରାହୀ ଏ ଘଟଣା ନେଇ ଦୁଃଖ ପ୍ରକଟ କରି କେଉଁ କାରଣରୁ ଡାକ୍ତର ଅନୁପସ୍ଥିତି ଅଛନ୍ତି ସେନେଇ ତଦନ୍ତ କରାଯିବ ବୋଲି କହିଛନ୍ତି।