ବିଜେପୁର,୮।୧୦(ଡି.ଏନ.ଏ.): ବରଗଡ଼ ଜିଲା ବିଜେପୁର ବ୍ଲକ ଅନ୍ତର୍ଗତ କଲଙ୍ଗାପାଲିରେ ସାତଦିନ ଧରି ଚାଲିଥିବା ଶାରଦୀୟ ସେବା ଶିବିର ଉଦଯାପିତ ହୋଇଯାଇଛି। ସ୍କୁଲ ଚେୟାରମେନ ପରିତୋଷ ସୁନା ଏହାକୁ ଉଦଘାଟନ କରିଥିଲେ। ବିଭିନ୍ନ ଦିବସରେ ଛାତ୍ରୀଗଣ ଗ୍ରାମ ସଫେଇ, ପ୍ଲାଷ୍ଟିକ ବର୍ଜନ, ବିପର୍ଯ୍ୟୟ ପରିଚାଳନା, ଟୀକାକରଣ, ଫିଟ ଇଣ୍ଡିଆ, ଯୋଗ ଉପରେ ସଚେତନତା ସୃଷ୍ଟି କରିଥିଲେ। ଉଦଯାପନି ସମାରୋହରେ କଲେଜ ଅଧ୍ୟକ୍ଷ ପ୍ରଦୀପ କୁମାର ମିଶ୍ରଙ୍କ ସଭାପତିତ୍ୱରେ ଯୋଗେଶ ମେହେର, ସ୍କୁଲ ଚେୟାରମେନ ପରିତୋଷ ସୁନା, ଅମୂଲ୍ୟନିଧି ପ୍ରଧାନ, ଅଧ୍ୟାପକ ସରୋଜ କୁମାର ପାଣିଗ୍ରାହୀ ମୁଖବକ୍ତା ଭାବେ ଯୋଗଦେଇଥିଲେ। ନିଃସ୍ବାର୍ଥପର ସେବା ହିଁ ଈଶ୍ବର ପ୍ରାପ୍ତିର ମାଧ୍ୟମ। ତେଣୁ ଯିଏ ଯେଉଁ କ୍ଷେତ୍ରରେ କାମ କରୁଥାଉନା କାହିଁକି ସେଇ କର୍ମରେ ନିଃସ୍ବାର୍ଥପରତା ପରିଲକ୍ଷିତ ହେବା ଆବଶ୍ୟକ ବୋଲି ସଭାରେ ମତପ୍ରକାଶ ପାଇଥିଲା। ବିଭିନ୍ନ ପ୍ରତିଯୋଗିତାର ସଫଳ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇ ଥିଲା। ପ୍ରୋଗ୍ରାମ ଅଫିସର ଡ. ସୁବ୍ରତା ରାଣୀ ରାଉତ ବିବରଣୀ ପଠନ କରିଥିଲେ। ଇତିହାସ ଅଧ୍ୟାପକ ମାନସ ରଞ୍ଜନ ଧନ୍ୟବାଦ ଅର୍ପଣ କରି ଥିଲେ। ପରେ ଛାତ୍ରୀମାନେ ମନୋରମ ସାସ୍କୃତିକ କାଯ୍ୟକ୍ରମ ପରିବେଷଣ କରିଥିଲେ। ବିଜେପୁର ଡିଗ୍ରୀ କଲେଜ ଏନଏସଏସ ୟୁନିଟ ୩ ପକ୍ଷରୁ ଆୟୋଜିତ ଏହି ଶିବିରରେ ୨୫ଜଣ ଛାତ୍ରୀ ସାମିଲ ହୋଇଥିଲେ।