ପାତ୍ରପୁର,୨୧ା୪(ଡି.ଏନ.ଏ.)-ଆନ୍ଧ୍ରପ୍ରଦେଶ ମଞୁଷାଗଡ଼ ମହାଦେଇପୁର ଗ୍ରାମରେ ବିବାହ କରିଥିବା କେ. ନୂଆଗଁା ଫାଣ୍ଡି ବୀରସିଂହଲକ୍ଷ୍ଣୀନାରାୟଣପୁର ଗ୍ରାମର ପୀତାମ୍ବର ପ୍ରଧାନଙ୍କ ଝିଅ ପ୍ରିୟଙ୍କା(୨୦) ଗତ ମାର୍ଚ୍ଚ ୧୧ରେ ଜରଡ଼ା ଥାନା ସାମନ୍ତିଆପଲ୍ଲୀ ଭରତପତି କଲେଜକୁ ପରୀକ୍ଷା ଦେବାକୁ ଆସି ନିଖୋଜ ହୋଇଯାଇଥିଲେ। ଏନେଇ ପୀତାମ୍ବର ଜରଡ଼ା ଥାନାରେ ଏତଲା ଦେଇଥିଲେ। ହେଲେ ଶନିବାର ମହାରାଷ୍ଟ୍ର ପୁଣେର ଏକ ବନ୍ଦ କୋଠରୀରୁ ପ୍ରିୟଙ୍କାଙ୍କ ମୃତଦେହ ପୁଣେ ପୋଲିସ ଉଦ୍ଧାର କରିଛି। ପୁଣେ ପୋଲିସ ଠାରୁ ଖବର ପାଇ ଜରଡ଼ା ପୋଲିସ କେ.ନୂଆଗଁା ଥାନାକୁ ଜଣାଇଥିଲା। ଖବର ପାଇ ଯୁବତୀଙ୍କ ବାପା ପୁଣେ ଯାଇଛନ୍ତି।