ମହିଳା ଜଣକ କାନ୍ଦୁଥିଲେ। ଲୁହ ତାଙ୍କ ବନ୍ଧବାଡ଼ ମାନୁ ନ ଥିଲା। ଆଉ କହୁଥିଲେ ଯେ, ମୋର ଆଉ ବେଶିଦିନ ବଞ୍ଚତ୍ବାର ନାହିଁ। ଈଶ୍ୱର ମୋ କପାଳକୁ ପୋଡ଼ି ଦେଇଛନ୍ତି। ମୋ ଓଭାରିକୁ କର୍କଟ ରୋଗ ଗ୍ରାସ କରି ସାରିଲାଣି। ତିନି ପର୍ଯ୍ୟାୟ ଯାଇ ଏବେ ଚାରିନମ୍ବର ଅର୍ଥାତ୍ ଚତୁର୍ଥ ପର୍ଯ୍ୟାୟରେ ପହଞ୍ଚତ୍ଛି। ମୁଁ ପ୍ରତିଦିନ ରାତିରେ ବିଛଣାକୁ ଯାଉଛି। ହେଲେ ଏଇଆ ଭାବି ଶୋଉଛି ଯେ, କାଳେ ଏଇଟା ମୋର ଶେଷ ରାତି। ଏଇ ରାତିରେ ମୁଁ ଶେଷ ନିଃଶ୍ୱାସ ତ୍ୟାଗ କରିବି। ଏ ରାତି ମୋ ପାଇଁ ଆଉ ପାହିବ ନାହିଁ। କହିବା ବାହୁଲ୍ୟ, ରୋଦନ କରୁଥିବା ଏହି ମହିଳା ଜଣକ ହେଉଛନ୍ତି ୪୨ବର୍ଷ ବୟସ୍କା ଭର୍ଜିନିଆ ମହିଳା ମାର୍ଥା ନିକୋଲାସ୍। ସମସ୍ତେ ଭାବୁଥିବେ ଯେ, ମାର୍ଥା ଯାହା କହୁଛନ୍ତି ସତ କହୁଛନ୍ତି। ମାତ୍ର ନା, ସେ ଡାହା ମିଛ ହିଁ କହୁଥିଲେ। ମିଛ କହୁ ନ ଥିଲେ ତ ଓଲଟି ନିଜ ପାଇଁ ନିଜେ ଗାତ ଖୋଳୁଥିଲେ। କେମିତି ପରିଶ୍ରମ ନ କରି ଅର୍ଥ ରୋଜଗାର କରିବେ ସେଇ କଥା ମାର୍ଥାଙ୍କ ମୁଣ୍ଡରେ ପଶିଲା। ମାର୍ଥା ଘୋଷଣା କରିଦେଲେ ଯେ, ତାଙ୍କୁ ‘ଓଭାରିଆନ୍ କ୍ୟାନସର’ ହୋଇଛି। ରୋଗ ଫୋର୍ଥ ଷ୍ଟେଜ୍ରେ ପହଞ୍ଚତ୍ଲାଣି। ଡାକ୍ତରଖାନାରେ ବି ଆଡ୍ମିଶନ୍ ନେଲେ। ଡାକ୍ତରଖାନାରେ ତାଙ୍କର ଚିକିତ୍ସା ଆରମ୍ଭ ହେଲା। ବାସ୍ତବରେ ତାଙ୍କର ସତସତିକା ଚିକିତ୍ସା ହେଉ ନ ଥିଲା। ଓଲଟି ଡାକ୍ତରମାନେ ତାଙ୍କର ମିଛିମିଛିକା ଟ୍ରିଟ୍ମେଣ୍ଟ କରୁଥିଲେ। ମାର୍ଥାଙ୍କ ସହିତ କିଛି ଡାକ୍ତର ବି ଏହି ଘଟଣାରେ ସଂଶ୍ଳିଷ୍ଟ ଥିଲେ। ମାର୍ଥାଙ୍କର ଖବର ପ୍ରକାଶ ପାଇଲା। ଆଉ ବଦାନ୍ୟ ଲୋକଙ୍କଠାରୁ ଅର୍ଥର ସୁଅ ଛୁଟିଲା। ଏହିଭଳି ଭାବରେ ସେ ପାଖାପାଖି ୯ଲକ୍ଷ ଡଲାର ହାସଲ କରିନେଲେ। ତେବେ କଥାରେ କହନ୍ତି, ଠକେଇରେ ଆସିଥିବା ଧନ ହଜମ ହୁଏନି। ଓଲଟି ତାହା ନିଅଁା ପାଲଟି ଜୀବନକୁ ଜାଳିିଦିଏ। ମାର୍ଥାଙ୍କ କେସ୍ରେ ସେମିତି ଘଟିଲା। ମେଡିକାଲରେ ରହି ସେ ଅୟସ୍ କରୁଥିଲେ। ଲୋକଙ୍କଠାରୁ ଆସୁଥିବା ଅର୍ଥରେ ଜୀବନକୁ ଉପଭୋଗ କରୁଥିଲେ। ହେଲେ ସମ୍ଭବତଃ ଦିନେ ତାଙ୍କ ମସ୍ତିଷ୍କର ସନ୍ତୁଳନ ବିଗିଡ଼ିଗଲା। ତାଙ୍କୁ ଲାଗିଲା ସେ ସତସତିକା କ୍ୟାନ୍ସରରେ ପୀଡ଼ିତା। ସତକୁସତ ତାଙ୍କର ଓଭାରିରେ କ୍ୟାନସର ହୋଇଯାଇଛି। ସେ ଆଉ ବଞ୍ଚତ୍ବେନି। ଏହା ପରେ ସେ ପ୍ରଳାପ କରିବାକୁ ଲାଗିଲେ। ଚିକିତ୍ସାରେ ଅର୍ଥ ଖର୍ଚ୍ଚ କରୁଥିବା ଲୋକମାନେ ମଧ୍ୟ ତାଙ୍କର ପ୍ରଳାପକୁ ଦେଖି ଆଚମ୍ବିତ ହେଲେ। ପ୍ରଳାପ କରୁ କରୁ ସତକଥା ପ୍ରକାଶ କରିଦେଲେ ମାର୍ଥା। କଥା ପୋଲିସ୍ ଯାଏ ଗଲା। ସେ ଗିରଫ ହେଲେ।