ମୁମ୍ବାଇ: ସୁପରଷ୍ଟାର ହ୍ରିତିକ୍ ରୋଶନଙ୍କ ଆଗାମୀ ଚଳଚ୍ଚିତ୍ର ‘ସୁପର-୩୦’ର ଟ୍ରେଲର ପରଦାକୁ ଆସିଛି। ଦର୍ଶକମାନେ ଏହାକୁ ପସନ୍ଦ କରୁଛନ୍ତି। ଏହି କ୍ରମରେ ବଲିଉଡ୍ କଳାକାରମାନେ ମଧ୍ୟ ଟୁଇଟରରେ ପ୍ରତିକ୍ରିୟା ରଖି ହ୍ରିତିକ୍ଙ୍କ କାମର ପ୍ରଶଂସା କରୁଛନ୍ତି। ଚଳଚ୍ଚିତ୍ରଟି ବିହାରରେ କୋଚିଂ ସେଣ୍ଟର ଚଳାଉଥିବା ଆନନ୍ଦ କୁମାରଙ୍କ ଜୀବନୀ ଉପରେ ଆଧାରିତ। ତେବେ ଆନନ୍ଦ କୁମାର ପରିବାର ସହ ଟ୍ରେଲରକୁ ଦେଖିବା ସହ ହ୍ରିତିକ୍ଙ୍କ ଅଭିନୟର ଭୂରି ପ୍ରଶଂସା କରିଛନ୍ତି।
ନିଜ ଟୁଇଟର ପୃଷ୍ଠାରେ ଆନନ୍ଦ କୁମାର ଲେଖିଛନ୍ତି, ଟ୍ରେଲର୍ ଦେଖିଲୁ। ପୁରା ପରିବାର ଆଖିରେ ଲୁହ ଆସିଗଲା। କିଛି ସମୟ ଦୃଶ୍ୟରେ ହ୍ରିତିକ୍ ନୁହଁନ୍ତି ବରଂ ମୁଁ ଥିଲି ବୋଲି ଲାଗିଲା। ସଂଘର୍ଷ ବେଳର ସେ ସମୟ ମନେ ପଡ଼ିଗଲା। ଖରାପ ପରିସ୍ଥିତିରେ ଛାତ୍ରମାନଙ୍କୁ ପଢ଼ାଇବା ଆଦି। ଏଥିଲାଗି ସମସ୍ତ ଟିମ୍କୁ ଧନ୍ୟବାଦ ବୋଲି ସେ ଲେଖିଛନ୍ତି।
ट्रेलर देखा | पूरे परिवार के आँखों में आंसू आ गये | लगा कि फिल्म में रितिक रोशन नहीं बल्कि मैं ही हूँ | संघर्ष के दिन याद आ गये | अत्याचारियों से मुकाबला करते हुये भी कठिन परिस्थितियों में भी विद्यार्थियों पढ़ाना | भाई का साथ | और सबकुछ | फिल्म की पूरी टीम का आभार | pic.twitter.com/9ZaBxBVnFd
— Anand Kumar (@teacheranand) June 4, 2019
ନିକଟରେ ଚଳଚ୍ଚିତ୍ରର ଅନେକ ପୋଷ୍ଟର ରିଲିଜ କରାଯାଇଥିଲା। ତେବେ ଏହା ଜାନୁୟାରୀ ୨୦୧୯ରେ ପରଦାକୁ ଆସିବ ବୋଲି ଶୁଣିବାକୁ ମିଳୁଥିଲା। ମାତ୍ର ତାହା ହୋଇପାରି ନ ଥିଲା। ଏହାପରେ ଜୁଲାଇ ୨୬ରେ ଫିଲ୍ମକୁ ରିଲିଜ କରାଯିବ ବୋଲି ଧାର୍ଯ୍ୟ କରାଯାଇଥିଲା। ହେଲେ କଙ୍ଗନା ରାଣାଓ୍ବତ୍ଙ୍କ ଫିଲ୍ମ ‘ମେଣ୍ଟାଲ ହେ କ୍ୟା’ ରିଲିଜ ଡେଟ୍ ଥିବା ଯୋଗୁ ଏପରି କରା ନ ଯାଇ ଜୁଲାଇ ୧୨ରେ ଫିଲ୍ମ ରିଲିଜ ହେବା ନେଇ ନିର୍ଧାରିତ କରାଯାଇଛି। ଫିଲ୍ମର ନିର୍ଦ୍ଦେଶନା ଦେଇଛନ୍ତି ବିକାଶ ବହଲ ଏବଂ ଅନୁରାଗ କଶ୍ୟପ। ଟ୍ରେଲର୍ରୁ ଦର୍ଶକଙ୍କ ମନ କିଣୁଥିବା ‘ସୁପର-୩୦’ ପରଦା ଉପରେ କି କମାଲ କରୁଛି ତାହା ଆଗାମୀ ଦିନରେ ଜଣାପଡ଼ିବ।
