ବିଜେପୁର,୧୫।୧(ଡି.ଏନ୍.ଏ.): ବରଗଡ଼ ଜିଲା ବିଜେପୁର ସହର ଉପକଣ୍ଠ ଗୋପଟିକ୍ରା ନିତ୍ୟାନନ୍ଦ ଆଶ୍ରମରେ ଚାଲିଥିବା ପଞ୍ଚ ଦିବସୀୟ ମକର ସଂକ୍ରାନ୍ତି ମହୋତ୍ସବର ବୁଧବାର ଅନ୍ତିମ ଦିବସରେ ଗୀତା ମହାଯଜ୍ଞ ଓ ପ୍ରବଚନ ଅନୁଷ୍ଠିତ ହୋଇଯାଇଛି। ଭୋରରୁ ଆଶ୍ରମରେ ମହାପ୍ରଭୁ ଶ୍ରୀକୃଷ୍ଣଙ୍କ ନୀତିକାନ୍ତି କରାଯାଇଥିଲା। ପୂର୍ବାହ୍ନରେ ବଟବୃକ୍ଷ ତଳେ ଲକ୍ଷ୍ମୀ ନାରାୟଣ ପୂଜା ହୋଇଥିଲା। ପରେ ଗୀତା ମହାଯଜ୍ଞ ଅନୁଷ୍ଠିତ ହୋଇଥିଲା। ସୈରେନ୍ଦ୍ରୀ ବେହେରା ଓ ଜଗନ୍ନାଥ ବେହେରା ମୁଖ୍ୟକର୍ତ୍ତା ସମେତ ପଞ୍ଚାନନ ସାହୁ, ଯୋଗୀନ୍ଦ୍ର ମେହେର, ହାଡୁ ମେହେର, ଗୋପୀନାଥ ମେହେର ପ୍ରମୁଖ କର୍ତ୍ତା ଦାୟିତ୍ୱ ତୁଲାଇଥିଲେ। ମୁଖ୍ୟ ପୁରୋହିତ ସୁରେନ୍ଦ୍ର ମହାପାତ୍ର, ରମା ରମଣ ଗୁରୁ ଯଜ୍ଞ କାର୍ଯ୍ୟ ସମ୍ପାଦନ କରିଥିଲେ। ଆଶ୍ରମ ପରିସରରେ ରାଧା ରମଣ ଗୁରୁ ମକର ଚାଉଳ ବଣ୍ଟନ କରିଥିଲେ। ପରେ ମାନପୁର ଗ୍ରାମର ପାଲା ପରିବେଷିତ ହୋଇଥିଲା। ଉପସ୍ଥିତ ଶ୍ରଦ୍ଧାଳୁମାନଙ୍କୁ ଓଁକାର ଜୀ ମହାରାଜ ଓ ବ୍ୟାସଦେବ ପ୍ରବଚନ ଦେଇଥିଲେ। ବାଉଁଶପୋଲା, ଏମ ଗଣ୍ଡପାଲି, ବିଲେଇପାଲି, ସମଲାଇପଦର, ପାଣିମୋରା, ବିଜେପୁର, କେଉଁଟିପାଲି, କନ୍ଧରା, ଗୁଡିମୁଣ୍ଡା ଆଦି ବିଭିନ୍ନ ଗ୍ରାମର ସହସ୍ରାଧିକ ଶ୍ରଦ୍ଧାଳୁଙ୍କ ସମାଗମ ପରିଲକ୍ଷିତ ହୋଇଥିଲା। ସଂସାର ପଣ୍ଡା, ଲବଣୀ ମେହେର, ଭୂପେନ ଗଡତୀୟା, ଗୁଣନିଧି ବାଗ, ପ୍ରମରାଜ ପଧାନ, କୁମର ପଧାନ ପ୍ରମୁଖ ସ୍ଥାନୀୟ ଗ୍ରାମବାସୀ ସହଯୋଗ କରିଥିଲେ।
