ଢ଼ାକା,୧୨।୧୧: ବାଂଲାଦେଶରେ ମଙ୍ଗଳବାର ଭୋର୍ ୩ଟାରେ ଏକ ଟ୍ରେନ୍ ଦୁର୍ଘଟଣାରେ ୧୫ରୁ ଅଧିକଙ୍କ ମୃତ୍ୟୁ ଘଟିଛି। ଏଥିରେ ୬୦ରୁ ଅଧିକ ଯାତ୍ରୀ ଆହତ ହୋଇଛନ୍ତି। ଆହତଙ୍କୁ ଉଦ୍ଧାର କରି ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି। ଦେଶର ପୂର୍ବ ଅଞ୍ଚଳରେ ଥିବା କସ୍ବା ନଗରର ମଣ୍ଡୋଲଭାଗ ଷ୍ଟେଶନ ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଢ଼ାକାରୁ ଚିଟାଗଙ୍ଗ ଆସୁଥିବା ଟ୍ରେନ୍ ଅନ୍ୟ ଏକ ଟ୍ରେନ୍କୁ ଧକ୍କାଦେଇଥିଲା। ଏହି ସମୟରେ ଯାତ୍ରୀମାନେ ଶୋଇଥିବା କୁହାଯାଉଛି। ବହୁ ବଗି ଚେପା ହୋଇଯାଇଥିବାରୁ ଏଥିରୁ ଯାତ୍ରୀଙ୍କୁ ଉଦ୍ଧାର କରିବା କଷ୍ଟକର ହୋଇଥିଲା। କଟର ମେସିନ୍ ଦ୍ୱାରା ବଗି କଟାଯାଇ ଯାତ୍ରୀଙ୍କୁ ଉଦ୍ଧାର କରାଯାଇଥିଲା। ଏହାର ତଦନ୍ତ ଜାରି ରହିଛି।