ଆଜିକାଲି ନିଦ ନହେବା ଏକ ବଡ ସମସ୍ୟା ରୂପେ ଦେଖାଯାଉଛି। ମାନସିକ ଚାପ, କାର୍ଯ୍ୟ ଭାର, ଦୁଶ୍ଚିନ୍ତା, କୋଳାହଳଯୁକ୍ତ ପରିବେଶ ଆଦି ପାଇଁ ଏଭଳି ସମସ୍ୟା ଉପୁଜୁଥିବା ନାନା ଗବେଷଣାରୁ ଜଣାପଡିଛି। ସାଧାରଣତଃ ୬୫ ବର୍ଷରୁ ଉର୍ଦ୍ଧ୍ୱ, ବୟସ୍କ ବ୍ୟକ୍ତିଙ୍କୁ ଏହି ସମସ୍ୟା ଦେଖାଯାଉଯାଏ। କିନ୍ତୁ ଏହି ସମସ୍ୟା ଯୁବ ବର୍ଗ କ୍ଷେତ୍ରରେ ମଧ୍ୟ ପରିଲକ୍ଷିତ ହେଲାଣି। ଏହି ସମସ୍ୟାକୁ କେମିତି ନିରାକରଣ କରାଯାଇ ପାରିବ ଜାଣନ୍ତୁା
ପ୍ରତ୍ୟେକ ଦିନ ଆପଣ ଠିକ୍ ସମୟରେ ଶୋଇବା ଉଚିତ୍। ଠିକ୍ ସମୟରେ ମଧ୍ୟ ଉଠିବା ଉଚିତ୍। ନିଦ୍ରା ହେବାକୁ ହେଲେ ଆପଣଙ୍କୁ ଏକ ଉପଯୁକ୍ତ ସ୍ଥାନର ଆବଶ୍ୟକତା ଥାଏ। ଯାହାକି ଆପଣ ଆରାମଦାୟକ ରୂପେ ଶୟନ କରି ପାରିବେ। ଖାଇବା କିମ୍ବା ପିଇବା ପରେ ସଙ୍ଗେ ସଙ୍ଗେ ବିଛଣାକୁ ଗଲେ ନିଦ ହୋଇ ନ ଥାଏ। ଆପଣ ଯଦି କିଛି ମାଦକ ଦ୍ରବ୍ୟ ସେବନ କରୁଛନ୍ତି ତେବେ ଏହାକୁ ପରିତ୍ୟାଗ କରିବା ଉଚିତ୍ କାରଣ ନିଶା ନିଦର ପରମ ଶତ୍ରୁ ଭଳି କାର୍ଯ୍ୟ କରିଥାଏ। ବୋଧ ଶକ୍ତି ଚିକିତ୍ସା କିଛି ଲୋକଙ୍କ କ୍ଷେତ୍ରରେ ନିଦା୍ରହୀନତାର ସମସ୍ୟା ହୋଇଥାଏ। ଶୋଇବା ପୂର୍ବରୁ ଆସନ୍ତାକାଲି ପାଇଁ ବିଧିବଦ୍ଧ ଯୋଜନା ପରିକଳ୍ପନା କରିବା ଅନୁଚିତ୍। କୌଣସି ଫୋନ୍ କଲ୍, ଟିଭି, ରେଡ଼ିଓ ଶୋଇବା ପୂର୍ବରୁ ବାରଣ କଲେ ଭଲ। କାହିଁକି ନା ଏସବୁ ମନକୁ ଚଳଚଞ୍ଚଳ କରିଥାଏ। ମନ ଅସ୍ଥିର ରହିଲେ ନିଦ ହୋଇ ନ ଥାଏ। ନିୟମିତ ଭାବେ ଯୋଗ କଲେ ଭଲ। କାରଣ ଯୋଗ ମନକୁ ଶାନ୍ତ ରଖିବା ସଙ୍ଗେ ସଙ୍ଗେ ଭଲ ନିଦ ମଧ୍ୟ କରିଥାଏ।