ଖଇରା, ୨୧।୨(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ନିର୍ମାଣାଧୀନ ଆଳଦା-କଇଥଗଡିଆ ପ୍ରଧାନମନ୍ତ୍ରୀ ସଡକ ଅତ୍ୟନ୍ତ ବେପରୁଆ ଭାବେ ଚାଲିଛି ା ବ୍ୟବହୃତ କଞ୍ଚମାଲ ଅତ୍ୟନ୍ତ ନିମ୍ନମାନର ହୋଇଥିବା ବେଳେ ଯେତିକି କାମ ସମ୍ପୂର୍ଣ୍ଣ ହୋଇଛି ତାହା ନଷ୍ଟ ହେବାକୁ ବସିଲାଣି ା ରାସ୍ତା ନିର୍ମାଣର ଅବଧି ସରିବାକୁ ଆଉ ମାତ୍ର ୧ମାସ ବାକି ଥିବା ବେଳେ ଏ ପର୍ଯ୍ୟନ୍ତ ୬୦ଭାଗ କାମ ସରିନାହିଁ ା ଠିକାଦାର ରାସ୍ତାରେ ମେଟାଲ ବିଛାଇ ଛାଡିଦେଇଥିବା ଯୋଗୁ ଏବେ ମାଟ୍ରିକ ପରୀକ୍ଷା ଦେବାକୁ ଆସୁଥିବା ପିଲାମାନେ ପଡି ଖଣ୍ଡିଆଖାବରା ହେଉଛନ୍ତି ା ପ୍ରତିବାଦରେ ଏହି ରାସ୍ତା ସଂଲଗ୍ନ କଡମିଆଁ, ନୟାଖଣ୍ଡି, ଆମ୍ବଗଡିଆ, ସୁନ୍ଦରପୁର, ସାନ ନୁଆଁଗାଁ, ବଇଁଞ୍ଚଖୁଣ୍ଟା, ତ୍ରିଶଳପୁର, ଦାମୋଦରପୁର, ମୁଣ୍ଡାହତା, କଇଥଗଡିଆ ଆଦି ଗ୍ରାମର ଲୋକମାନେ ଗୁରୁବାର ରାସ୍ତାକାମକୁ ବନ୍ଦ ରଖିଛନ୍ତି। ବ୍ୟବହୃତ କଞ୍ଚାମାଲକୁ ବଦଳା ନ ଗଲେ କାର୍ଯ୍ୟ ଆରମ୍ଭ କରିବାକୁ ଦିଆଯିବ ନାହିଁ ବୋଲି ଗୋବିନ୍ଦ ମହାପାତ୍ର, ସମିତିସଭ୍ୟ ମାନସ ମହାପାତ୍ର, ହାଡିବନ୍ଧୁ ନାୟକ, ସଞ୍ଜିବ କୁଅଁର, ରତିକାନ୍ତ ନାୟକ, ରାଜୀବ ଲୋଚନ ମହାପାତ୍ର ପ୍ରମୁଖ ଚେତାବନୀ ଦେଇଛନ୍ତି ା
ଏହି ୪କି.ମି. ୪୬୦ମିଟର ରାସ୍ତା ପାଇଁ ଆନୁମାନିକ ଦେଢକୋଟି ଟଙ୍କା ପ୍ରଦାନ କରାଯାଇଥିଲା। ରାସ୍ତା ନିର୍ମାଣର ଶେଷ ଅବଧି ମାର୍ଚ୍ଚ ୨୭, ୨୦୨୦ରେ ଥିବା ବେଳେ ରାସ୍ତା ନିର୍ମାଣର ଦାୟିତ୍ୱ ନେଇଥିବା ଭଦ୍ରକ ଠିକାଦାରଙ୍କ ସ୍ବେଚ୍ଛାଚାରିତା ଯୋଗୁ କାର୍ଯ୍ୟର ଆଶାନୁରୂପ ଅଗ୍ରଗତି ହୋଇ ପାରି ନ ଥିଲା ା ଫଳରେ କାର୍ଯ୍ୟ ଆରମ୍ଭ ଦିନଠାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଥିଲେ। ଅବସ୍ଥା ଅସମ୍ଭାଳ ହେବା ପରେ ଶତାଧିକ ଗ୍ରାମବାସୀ କାର୍ଯ୍ୟ ବନ୍ଦ ରଖିବାକୁ ବାଧ୍ୟ ହୋଇଥିଲେ ା ଏ ସମ୍ପର୍କରେ ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ ପ୍ରିୟରଞ୍ଜନ ବେହେରାଙ୍କୁ ଯୋଗାଯୋଗ କରିବାରେ କଞ୍ଚାମାଲ ନିମ୍ନମାନର ହୋଇଥିବା ନିଜେ ସ୍ବୀକାର କରିବା ସହ ଏହାକୁ ଉଠାଇନେଇ ଉନ୍ନତମାନର ମେଟାଲ ଓ ଅନ୍ୟାନ୍ୟ ସାମଗ୍ରୀ ବ୍ୟବହାର କରିବାକୁ ଠିକାଦାରଙ୍କୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି ା