ମୁମ୍ବାଇ,୩।୧୦: ମହାରାଷ୍ଟ୍ରରେ ବହୁ ବର୍ଷର ପରମ୍ପରା ଭାଙ୍ଗିଛି। ଶିବସେନା ଅଧ୍ୟକ୍ଷ ଉଦ୍ଧବ ଠାକରେଙ୍କ ପୁଅ ତଥା ଯୁବାବର୍ଗର ଅଧ୍ୟକ୍ଷ ଆଦିତ୍ୟ ଠାକରେ ମହାରାଷ୍ଟ୍ର ବିଧାନସଭା ପାଇଁ ନିର୍ବାଚନକୁ ଓହ୍ଲାଇଛନ୍ତି। ପ୍ରଥମ ଥର ଠାକରେ ପରିବାରରୁ ଆଦିତ୍ୟ ପ୍ରତ୍ୟେକ୍ଷଭାବେ ନିର୍ବାଚନ ଲଢ଼ିବାକୁ ଯାଉଛନ୍ତି। ଠାକରେ ପରିବାର ପାଇଁ ଗୁରୁବାର ଐତିହାସିକ ଦିନ ରହିଥିବା ବେଳେ ଆଦିତ୍ୟ ଏକ ବିଶାଳ ରାଲିରେ ବିଏମ୍ସି କାର୍ଯ୍ୟାଳୟରେ ପହଞ୍ଚି ବର୍ଲି ବିଧାନସଭା ଆସନ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି। ନାମାଙ୍କନ ଦାଖଲ କରିବା ପୂର୍ବରୁ ମୁମ୍ବାଇରେ ଆଦିତ୍ୟ ରୋଡ଼ ଶୋ’ କରିଥିଲେ। ଆଦିତ୍ୟଙ୍କୁ ସାଧାରଣଜନତା ସମର୍ଥନ ଦେଇଥିବାରୁ ଶିବସେନା ମୁଖ୍ୟ ଉଦ୍ଧବ ଧନ୍ୟବାଦ ଜଣାଇଛନ୍ତି। ଏହି ରୋଡ ଶୋ’ରେ ଶିବସେନାର ବହୁ କର୍ମକର୍ତ୍ତା ସାମିଲ ହୋଇଥିଲେ। ସୂଚନାଯୋଗ୍ୟ, ଆଦିତ୍ୟ ଠାକ୍ରେଙ୍କ ନଁାରେ ୧୧.୩୮ କୋଟି ଟଙ୍କାର ସମ୍ପତ୍ତି ରହିଥିବା ବେଳେ ବ୍ୟାଙ୍କରେ ୧୦.୩୬ କୋଟି, ୨୦.୩୯ଲକ୍ଷ ବଣ୍ଡ ଶେୟାର ରହିଛି। ଏଥିସହ ତାଙ୍କ ପାଖରେ ଗୋଟିଏ ବିଏମ୍ଡ଼ବ୍ଲ୍ୟୁ କାର ଓ ୬୪ଲକ୍ଷ ୬୫ ହଜାର ଟଙ୍କାର ସୁନା ଅଳଙ୍କାର ଏବଂ ଅନ୍ୟ ସମ୍ପତ୍ତି ୧୦ ଲକ୍ଷ ୨୨ ହଜାର ଟଙ୍କା ରହିଥିବା ଜଣାପଡ଼ିଛି। ସେହିପରି ତାଙ୍କ ନଁାରେ କୌଣସି ଆପରାଧିକ ମାମଲା ନ ଥିବା ନାମାନଙ୍କ ପତ୍ରରେ ଆଦିତ୍ୟ ଦର୍ଶାଇଛନ୍ତି।