କୋଲକାତା,୨୮।୫: ଲୋକ ସଭା ନିର୍ବାଚନରେ ପଶ୍ଚିମ ବଙ୍ଗରେ ଭାଜପାର ଭଲ ପ୍ରଦର୍ଶନ ଓ ବହୁଳ ମତଦାନ ପରେ ଟିଏମ୍ସିର ମୁଖ୍ୟ ମମତା ବାନାର୍ଜୀଙ୍କୁ ଶକ୍ତ ଝଟ୍କା ଲାଗିଛି। ପୁଣି ଏବେ ଟିଏମ୍ସିର ୩ ବିଧାୟକ ଭାଜପାରେ ସାମିଲ ହେବା ନେଇ ଚର୍ଚ୍ଚା ହେଉଛି। ମୁକୁଲ ରୟଙ୍କ ପୁଅ ଶୁଭ୍ରାଂଶୁ ରୟ ଓ ତୃଣମୃଳ କଂଗ୍ରେସର୨ ବିଧାୟକ ଶିଳଭଦ୍ର ଦତ୍ତ ଓ ସୁନୀଲ ସିଂହ ମଙ୍ଗଳବାର ଭାଜପାରେ ସାମିଲ ହେବେ ବୋଲି ଜଣାପଡ଼ିଛି। ଦିଲ୍ଲୀରେ ସନ୍ଧ୍ୟା ୪ଟାରେ ଏହି ୩ଜଣ ନେତାଙ୍କୁ ସାମିଲ କରାଯିବାକୁ ନେଇ ଭାଜପା ପକ୍ଷରୁ ସମସ୍ତ ପ୍ରସ୍ତୃତି କରାଯାଇଛି ବୋଲି ସୂଚନା ମିଳିଛି।