ନୂଆଦିଲ୍ଲୀ,୧୭।୧: ଦିଲ୍ଲୀ ନର୍ଭୟା ମାମଲାର ଅନ୍ୟତମ ଦୋଷୀ ମୁକେଶ କୁମାର ସିଂହଙ୍କ କ୍ଷମା ଆବେଦନକୁ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ରାଷ୍ଟ୍ରପତି ଭବନକୁ ପଠାଇ ଦେଇଛନ୍ତି। ତେବେ ଶୁକ୍ରବାର ଏହି ମାମଲାରେ ରାଷ୍ଟ୍ରପତିଙ୍କ ନିର୍ଣ୍ଣୟ ଶେଷ ନିର୍ଣ୍ଣୟ ହେବ ବୋଲି ଜଣାପଡ଼ିଛି। ପୂର୍ବରୁ ଏହି ମାମଲାରେ ମୁକେଶଙ୍କ କ୍ଷମା ଆବେଦନକୁ ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ ମଧ୍ୟ ଖାରଜ କରିସାରିଛନ୍ତି। ସୂଚନା ମୁତାବକ ମୃତ୍ୟୁଦଣ୍ଡରୁ ବର୍ତ୍ତିବା ପାଇଁ ନିର୍ଭୟା ଦୋଷୀ ମୁକେଶ ଶେଷ ମୁହୂର୍ତ୍ତରେ ରାଜକ୍ଷମା ଲାଗି ରାଷ୍ଟ୍ରପତିଙ୍କୁ ଆବେଦନ କରିଥିଲେ। ଅନ୍ୟ ୩ଜଣ ଦୋଷୀଙ୍କ ସମେତ ମୁକେଶଙ୍କୁ ଜାନୁଆରି ୨୨ରେ ମୃତ୍ୟୁ ଦଣ୍ଡାଦେଶ ପାଇଁ ଦିଲ୍ଲୀ ପଟିଆଲାହାଉସ କୋର୍ଟ ଶୁଣାଣି କରିଥିଲେ। ତେଣୁ କ୍ଷମା ଆବେଦନ ଯୋଗୁ ୪ ଦୋଷୀଙ୍କ ଫାଶୀ ନିର୍ଦ୍ଧାରିତ ହୋଇଥିବା ସମୟଠାରୁ ବିଳମ୍ବ ହେଉଥିବା କୁହାଯାଉଛି।