ନୂଆଦିଲ୍ଲୀ,୨୫-୩: ଦେଶର ୩.୫ କୋଟି ନିର୍ମାଣ ଶ୍ରମିକଙ୍କୁ ଆର୍ଥିକ ସହାୟତା ଯୋଗାଇ ଦେବା ଲାଗି ରାଜ୍ୟ ମୁଖ୍ୟମନ୍ତ୍ରୀଙ୍କୁ କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗଓ୍ବାର ମଙ୍ଗଳବାର କହିଛନ୍ତି। ବର୍ତ୍ତମାନ କରୋନା ବ୍ୟାପିଥିବା ବେଳେ ବିଭିନ୍ନ କ୍ଷେତ୍ର ପ୍ରଭାବିତ ହେବାକୁ ଯୋଗୁ ନିର୍ମାଣ ଶ୍ରମିକମାନେ ସମସ୍ୟା ସାମ୍ନା କରୁଛନ୍ତି। ନିର୍ମାଣ ସେସ୍ ବାବଦ ରାଜ୍ୟଗୁଡିକ ନିକଟରେ ଏବେ ୫୨,୦୦୦ କୋଟି ଟଙ୍କା ରହିଛି। ଏହି ଅର୍ଥ ମଧ୍ୟରୁ ନିର୍ମାଣ ଶ୍ରମିକଙ୍କୁ ସହାୟତା ପ୍ରଦାନ କରିବାକୁ ଗଙ୍ଗଓ୍ବର ରାଜ୍ୟର ମୁଖ୍ୟମନ୍ତ୍ରୀ ଏବଂ କେନ୍ଦ୍ରଶାସିତ ଅଞ୍ଚଳଗୁଡିକର ଲ୍ୟୁଟନାଣ୍ଟ ଗଭର୍ନରଙ୍କୁ ଏକ ଆଡଭାଇଜରିରେ କହିଛନ୍ତି। ଶ୍ରମିକ ଜନମଙ୍ଗଳ ବୋର୍ଡ ଦ୍ୱାରା ସଂଗ୍ରହ କରାଯାଇଥିବା ଅର୍ଥକୁ ଡାଇରେକ୍ଟ ବେନିଫିଟ ଟ୍ରାନ୍ସଫର (ଡିବିଟି) ଦ୍ୱାରା ଶ୍ରମିକଙ୍କ ବ୍ୟାଙ୍କ ଖାତାରେ ଅର୍ଥ ପ୍ରଦାନ କରିବାକୁ ମନ୍ତ୍ରଣାଳୟ କହିଛି। ଶ୍ରମିକ କଲ୍ୟାଣ ବୋର୍ଡରେ ପର୍ଯ୍ୟାପ୍ତ ପରିମାଣର ଅର୍ଥ ରହିଛି। ଏହି କଷ୍ଟ ସମୟରେ ଦୈନିକ ଭିତ୍ତିରେ କାମ କରୁଥିବା ଶ୍ରମିକ ମାନଙ୍କର ଜୀବନ ଧାରଣ ଲାଗି ଅର୍ଥ ପ୍ରେରଣ କରାଯିବା ଉପରେ ଗଙ୍ଗଓ୍ବର ମତ ରଖିଛନ୍ତି।