ପୁରୀ ଅଫିସ, ୨ା୧୧: ନିର୍ମାଲ୍ୟ ସଙ୍ଗଠନ ଆନୁକୂଲ୍ୟରେ ଶୁକ୍ରବାର ପୁରୀ ମୁକ୍ତାକାଶ ରଙ୍ଗମଞ୍ଚରେ ନିର୍ମାଲ୍ୟ ସମ୍ମାନ ସମାରୋହ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଆ ଚଳଚ୍ଚିତ୍ର ଓ ଯାତ୍ରା ଅଭିନେତା ରାଇମୋହନ ପରିଡ଼ାଙ୍କୁ ଲାଇଫଟାଇମ୍ ଆଚିଭମେଣ୍ଟ ଆଓ୍ବାର୍ଡ ପ୍ରଦାନ କରାଯାଇଛି। ଏଥିସହିତ ଚଳଚ୍ଚିତ୍ର ଅଭିନେତ୍ରୀ ଭୂମିକା, ଅନିଷା, ଅନୁଭା, ଅଭିନେତା ମଣ୍ଟୁ, ଅର୍ଦ୍ଧେନ୍ଦୁଙ୍କୁ ସମ୍ମାନିତ କରାଯାଇଛି। ଟେଲି ଅଭିନେତା ବରଦା ଓ ମହାପ୍ରସାଦଙ୍କୁ ଶ୍ରେଷ୍ଠ ଖଳନାୟକ, ତ୍ରିଭୂବନ ପଣ୍ଡାଙ୍କୁ ହାସ୍ୟ ଅଭିନେତା, ପ୍ରେରଣା ଓ ଅଶ୍ୱିନୀଙ୍କୁ ଶ୍ରେଷ୍ଠ ଉଦ୍ଘୋଷକ, ପରିବେଶବିିତ ଜଗନ୍ନାଥ ବସ୍ତିଆ, କାର୍ଯ୍ୟକ୍ରମ ପ୍ରଯୋଜକ ଅବିନାଶ ଚୌଧୁରୀ, ଶିକ୍ଷାବିତ୍ ପୂର୍ଣ୍ଣଚନ୍ଦ୍ର ମହାପାତ୍ର, ପୀତାମ୍ବର ମିଶ୍ର ଏବଂ ବରିଷ୍ଠ ସ୍ଥପତି ଅଭିଜିତ୍ ଅଧିକାରୀଙ୍କୁ ନିର୍ମାଲ୍ୟ ସମ୍ମାନରେ ସମ୍ମାନିତ କରାଯାଇଛି।
ନିର୍ମାଲ୍ୟ ସଭାପତି ତଥା ଗୀତିକାର ବଦ୍ରି ମିଶ୍ରଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୁରୀ ଏମ୍ପି ପିନାକୀ ମିଶ୍ର ଯୋଗଦେଇଥିଲେ। ସମ୍ମାନିତ ଅତିଥି ଭାବେ ପୂର୍ବତନ ବାଚସ୍ପତି ମହେଶ୍ୱର ମହାନ୍ତି, ଶିକ୍ଷାବିତ୍ ପ୍ରଫେସର ହରେକୃଷ୍ଣ ମହାପାତ୍ର, ଓଡ଼ିଶା ଟେଲିଭିଜନ ନେଟୱର୍କ ଡିଜିଏମ ଶ୍ୟାମପ୍ରସାଦ ମିଶ୍ର, କମିଟି ଅଧ୍ୟକ୍ଷ ଚକ୍ରଧର ମହାପାତ୍ର, ଅଭ୍ୟର୍ଥନା କମିଟି ଅଧ୍ୟକ୍ଷ ବିଭୁଦତ୍ତ ସୁବୁଦ୍ଧି, ବରିଷ୍ଠ ସେବାୟତ ଭଗବାନ ମହାସୁଆର, ଉପଦେଷ୍ଟା ଭରତ ନାୟକ, ଉତ୍ସବ ସଂଯୋଜକ ପ୍ରୀତମ ଜଗଦ୍ଦେବ, ସାମାଜିକ କର୍ମୀ ଦୁର୍ଗାଦାସ ମହାପାତ୍ର, ପୁଲିନ ବିହାରୀ ଆଚାର୍ଯ୍ୟ ମହାସୁଆର ପ୍ରମୁଖ ଉପସ୍ଥିତ ଥିଲେ। ସମ୍ପାଦକ ବିଶ୍ୱନାଥ ମିଶ୍ର କାର୍ଯ୍ୟକ୍ରମ ପରିଚାଳନା କରିଥିଲେ। ଏହି ଅବସରରେ କଣ୍ଠଶିଳ୍ପୀ ଚିତ୍ରଭାନୁ ମହାନ୍ତି, ରାଇଜିଂଷ୍ଟାର କଣ୍ଠଶିଳ୍ପୀ ଶଶାଙ୍କ ଶେଖର, ଅନ୍ତରା ଚକ୍ରବର୍ତ୍ତୀ, ଇପ୍ସିତା ପଣ୍ଡା, ରାଜେନ୍ଦ୍ର ମିଶ୍ର, ସଂଗ୍ରାମ, ସସ୍ମିତା ପ୍ରମୁଖ ସଙ୍ଗୀତ ପରିବେଷଣ କରିଥିଲେ। ମଧୁସୂଦନ ମିଶ୍ର, ଶ୍ୟାମପ୍ରକାଶ ସେନାପତି, ଶମ୍ଭୁନାଥ ମହାଳିକ, ଜଗନ୍ନାଥ ସାହୁ, ଶିବସୁନ୍ଦର ମିଶ୍ର, ମାନସ ପୁଷ୍ପାଳକ ଓ ବିଷ୍ଣୁଚରଣ ବରାଳ ମଞ୍ଚ ପରିଚାଳନା କରିଥିଲେ।