ଧରାକୋଟ,୨୩ା୭(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ଖଜୁରିପଦା ବିଦ୍ୟାଳୟର ଜଣେ ଶିକ୍ଷକ ନିଶାସକ୍ତ ଅବସ୍ଥାରେ ସ୍କୁଲକୁ ଆସୁଥିବାରୁ ସୋମବାର ତାଙ୍କୁ ନିଲମ୍ବିତ କରାଯାଇଛି। ସେ ହେଲେ ସୀମାଞ୍ଚଳ ଶତପଥୀ। ସେ ଠିକ୍ ଭାବେ ପଢ଼ାଇ ପାରୁ ନ ଥିବାରୁ ଅଭିଭାବକମାନେ ଅସନ୍ତୋଷ ପ୍ରକାଶ କରି ବ୍ଲକ ଶିକ୍ଷାଧିକାରୀଙ୍କ ନିକଟରେ ଅଭିଯୋଗ କରିଥିଲେ। ସୋମବାର ଜିଲା ଶିକ୍ଷାଧିକାରୀ ଡ. ସନାତନ ପଣ୍ଡା, ବ୍ଲକ ଶିକ୍ଷାଧିକାରୀ ରବୀନ୍ଦ୍ର କୁମାର ପଣ୍ଡା, ଏବିଇଓ ସୌରୀ ଶଙ୍କର ବେହେରା, ବୈଷୟୀକ ପରାମର୍ଶ ଦାତା (ଟିସି) ନିକିତା ପାଢ଼ୀ, ବରିଷ୍ଠ ଟିସି ସୁନ୍ଦର ରାୟ, ଜିଲା ବିଜ୍ଞାନ ସୁପରଭାଇଜର ପନ୍ନଗ ଭୂଷଣ ମାଝି ପ୍ରମୁଖ ଜାତୀୟ ମାନବାଧିକାର ଖିଲାପ କରୁଥିବା ବାହାରପୁର ପଞ୍ଚାୟତର ଦଣ୍ଡାସି ବଗଡ଼ ବିଦ୍ୟାଳୟ ପରିଦର୍ଶନ ପରେ ଖଜୁରିପଦା ବିଦ୍ୟାଳୟରେ ପହଞ୍ଚତ୍ଥିଲେ। କିନ୍ତୁ ବିଦ୍ୟାଳୟରେ ଶିକ୍ଷକ ସୀମାଞ୍ଚଳ ଅନୁପସ୍ଥିତ ଥିଲେ। ସ୍ଥାନୀୟ ଗ୍ରାମବାସୀ ଶିକ୍ଷକ ଜଣକ ପ୍ରତିଦିନ ନିଶା ସେବନ କରି ସ୍କୁଲକୁ ଆସୁଥିବାରୁ ଠିକ୍ଭାବେ ପଢ଼ାଇ ପାରୁନାହାନ୍ତି ବୋଲି କହିଥିଲେ। ଜିଲା ଶିକ୍ଷାଧିକାରୀ ତଦନ୍ତ ପରେ ସମ୍ପୃକ୍ତ ଶିକ୍ଷକଙ୍କୁ ଆଦେଶ ସଂଖ୍ୟା ୮୧୮/ତା. ୨୨ା୭ା୧୯ରେ ନିଲମ୍ବନ କରିଥିଲେ। ପ୍ରକାଶଯେ, ଏନ୍ଏଚ୍ଆର୍ସି କେସ୍ ନଂ. ୪୦୭୩ରେ ଡିଇଓ ବିଦ୍ୟାଳୟ ପରିଦର୍ଶନ କରିଥିଲେ।