କଣ୍ଟାବାଞ୍ଜିି, ୧୭।୧୦(ଡି.ଏନ୍.ଏ.): ବଲାଙ୍ଗୀର ଜିଲା କଣ୍ଟାବାଞ୍ଜିି ଥାନା ଖଗସା ଗାଁର ଜଣେ ବ୍ୟକ୍ତି ତା’ଙ୍କ ବୃଦ୍ଧା କାକି ଓ ଭାଇକୁ ଗତ ୧୪ ତାରିଖରେ ମରଣାନ୍ତକ ଆକ୍ରମଣ କରିଥିଲେ। ଏ ନେଇ ୧୫ ତାରିଖରେ ଥାନାରେ ଅଭିଯୋଗ ହୋଇଥିଲା। ଅଭିଯୋଗ ପାଇ ପୋଲିସ ଏକ ମାମଲା ରୁଜୁ କରିଥିଲା। ଘଟଣାକୁ ଦୁଇ ଦିନ ବିତିଯାଇଥିଲେ ମଧ୍ୟ ପୋଲିସ ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ।
ପ୍ରକାଶ ଯେ, ଗ୍ରାମର ତୁଲାରାମ ହାତୀ ମଦପିଇ କକାପୁଅ ଭାଇ ପଦୁଲୋଚନ ହାତୀ(୪୫) ଓ ତାଙ୍କ ପରିବାରକୁ ଗାଳିଗୁଲଜ କରିବା ସହ ଏକ ବାଡିରେ ପିଟିଥିଲେ। ପଦୁଲୋଚନର ମା’ ହାରାବତୀ ହାତୀ(୭୦) କାହିଁକି ମାଡପିଟ କରୁଛ ବୋଲି କହିବାରୁ ତାକୁ ମଧ୍ୟ ତୁଲାରାମ ଛାଡି ନ ଥିଲେ। ଫଳରେ ତାଙ୍କ ମୁଣ୍ଡ ଫାଟି ଯାଇଥିଲା। ପଦୁଲୋଚନଙ୍କ ସ୍ତ୍ରୀ ମଧ୍ୟ ମାଡରେ ଆହତ ହୋଇଥିଲେ। ଏ ନେଇ ପଦୁଲୋଚନଙ୍କ ଅଭିଯୋଗ ପରେ କଣ୍ଟାବାଞ୍ଜି ପୋଲିସ ଥାନାରେ କେସ ନଂ. ୨୨୮/୧୯ରେ ଏକ ମାମଲା ରୁଜୁ କରିଥିଲା। କଣ୍ଟାବାଞ୍ଜି ପୋଲିସ ଘଟଣାର ଦୁଇ ଦିନ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନ କରିବାରୁ ଘଟଣା ବିଷୟରେ ବଲାଙ୍ଗୀର ଏସ୍ପିଙ୍କୁ ଜଣାଇବେ ବୋଲି ଅଭିଯୋଗକାରୀ କହିଛନ୍ତି।