ନୂଆଦିଲ୍ଲୀ,୧।୩: ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କର ରବିବାର ଜନ୍ମଦିନ ଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରି ତାଙ୍କୁ ଶୁଭେଚ୍ଛା ଜଣାଇଛନ୍ତି। ମୋଦି ଟୁଇଟ୍ କରି ନୀତୀଶଙ୍କ ସୁସ୍ଥ ଓ ଦୀର୍ଘ ଜୀବନ କାମନା କରିଛନ୍ତି। ରାଜନୀତିରେ ତାଙ୍କର ଅବଦାନ ଓ ସାମାଜିକ କାର୍ଯ୍ୟରେ ନୀତୀଶଙ୍କ ଯୋଗଦାନକୁ ମୋଦି ଖୁବ୍ ପ୍ରଶଂସା କରିଛନ୍ତି। ଅନ୍ୟପକ୍ଷେ ଆର୍ଜେଡି ନେତା ତେଜସ୍ବୀ ଯାଦବ ମଧ୍ୟ ନୀତୀଶଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି। ଏହାସହ ତେଜସ୍ବୀ କହିଛନ୍ତି, ନୀତୀଶ ତାଙ୍କ ଜନ୍ମଦିନରେ ବିହାରବାସୀଙ୍କୁ କଥା ଦିଅନ୍ତୁ ୭କୋଟି ନିଯୁକ୍ତି ସୁବିଧା ସହ ବିହାରକୁ ସ୍ବତନ୍ତ୍ର ରାଜ୍ୟର ମାନ୍ୟତା ଦେବେ।