ନୂଆଦିଲ୍ଲୀ,୮।୮: ଟୋକିଓ ଅଲିମ୍ପିକ ଗେମ୍ସରେ ଜାଭେଲିନ ଥ୍ରୋ ଭାରତର ନୀରଜ ଚୋପ୍ରା ଭାରତ ପାଇଁ ସ୍ବର୍ଣ୍ଣ ପଦକ ଜିତିଛନ୍ତି। ସମଗ୍ର ଭାରତରେ ଏହାକୁ ଖୁସିର ଲହରୀ ଖେଳିଯାଇଛି। ମହିନ୍ଦ୍ରା ଗ୍ରୁପ୍ର ଅଧ୍ୟକ୍ଷ ଆନନ୍ଦ ମହିନ୍ଦ୍ରା କମ୍ପାନୀର ଆଗାମୀ ନୂତନ କାର ଏକ୍ସୟୁଭି୭୦୦କୁ ନୀରଜ ଚୋପ୍ରାଙ୍କୁ ଉପହାର ଦେବାକୁ ପ୍ରତିଶ୍ରୁତି ଦେଇଛନ୍ତି। ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ବହୁତ ସକ୍ରିୟ । ସେ କ୍ରମାଗତ ଭାବରେ ସୋସିଆଲ ମିଡିଆ ମାଧ୍ୟମରେ ଲୋକଙ୍କ ସହ ଜଡିତ। ନୀରଜ ଚୋପ୍ରା ସ୍ବର୍ଣ୍ଣ ପଦକ ଜିତି ଭାରତର ସମ୍ମାନ ବଢାଇବା ମାତ୍ରେ ଆନନ୍ଦ ମହିନ୍ଦ୍ରା ମଧ୍ୟ ତାଙ୍କୁ କୃତଜ୍ଞତା ନ ଜଣାଇ ରହିପାରି ନାହାନ୍ତି। ଆନନ୍ଦ ମହିନ୍ଦ୍ରା ପ୍ରଥମେ ନିଜ ଟୁଇଟର୍ ଆକାଉଣ୍ଟରେ ଦୁଇଟି ଫଟୋ ଶେୟାର କରିଥିଲେ। ଏହି ଫଟୋଗୁଡ଼ିକ ମଧ୍ୟରୁ ଗୋଟିଏ ହେଉଛି ନୀରଜ ଚୋପ୍ରା ଏବଂ ଅନ୍ୟଟି ବାହୁବଳୀ ଚଳଚ୍ଚିତ୍ରର ଏକ ଦୃଶ୍ୟ। ଏହା ସହିତ ସେ ଲେଖିଛନ୍ତି, ବାହୁବଳୀ ନୀରଜ ଚୋପ୍ରା, ଆମେ ସମସ୍ତେ ଆପଣଙ୍କ ସୈନ୍ୟବାହିନୀରେ ଅଛୁ।
ଏହା ପରେ ଜଣେ ଟୁଇଟର ବ୍ୟବହାରକାରୀ ଆନନ୍ଦ ମହିନ୍ଦ୍ରାଙ୍କୁ ପଚାରିଲେ, ଆପଣ ନୀରଜ ଚୋପ୍ରାଙ୍କୁ ଏକ୍ସୟୁଭି୭୦୦ ଉପହାର ଦେବେ କି? ଏହି ପ୍ରଶ୍ନର ଉତ୍ତରରେ ଆନନ୍ଦ ମହିନ୍ଦ୍ରା କହିଛନ୍ତି, ହଁ ନିଶ୍ଚିତ। ଆମର ସୁବର୍ଣ୍ଣ ଆଥଲେଟଙ୍କୁ ଏକ୍ସୟୁଭି୭୦୦ ଉପହାର ଦେବା ମୋ ପାଇଁ ଭାଗ୍ୟର ବିଷୟ ହେବ। ଏହା ପରେ, ସମାନ ଟୁଇଟରେ ସେ ତାଙ୍କ କମ୍ପାନୀର ଦୁଇଜଣ ବଡ ଅଧିକାରୀଙ୍କୁ ଟ୍ୟାଗ କରି ନୀରଜ ଚୋପ୍ରାଙ୍କ ପାଇଁ ଏକ୍ସୟୁଭି୭୦୦ ପ୍ରସ୍ତୁତ କରିବାକୁ କହିଥିଲେ।