ନୀଳଗିରି,୧୩।୮(ଡି.ଏନ୍.ଏ.): ବାଲେଶ୍ବର ଜିଲା ନୀଳଗିରି ମହାବିଦ୍ୟାଳୟ ପରିସରରେ ମାଓବାଦୀ ପୋଷ୍ଟର ଲାଗିଥିବା ମଙ୍ଗଳବାର ସକାଳେ ଦେଖିବାକୁ ମିଳିଛି। ସିପିଆଇ ମାଓବାଦୀ ଛାତ୍ର ସଙ୍ଗଠନ ନାମରେ ଏହି ପୋଷ୍ଟର ଲାଗିଥିବା ବେଳେ ନିର୍ବାଚନ ବାତିଲ, ଶିକ୍ଷା ବାତାବରଣ ଫେରାଇ ଆଣିବା ଆମର ଦାବି, ଶିକ୍ଷକମାନେ ରାଜନୀତି ଛାଡି ଶିକ୍ଷାଦାନ କରନ୍ତୁ, ନଚେତ ଆଗାମୀ ଦିନରେ ଭୟଙ୍କର ପରିଣାମ ପାଇଁ ପ୍ରସ୍ତୁତ ରୁହ ବୋଲି ପୋଷ୍ଟରରେ ଉଲ୍ଲେଖ ଥିବା ଜଣାପଡ଼ିଛି। ଏ ନେଇ ଘଟଣା ସ୍ଥଳରେ ନୀଳଗିରି ପୋଲିସ ପହଞ୍ଚି ତଦନ୍ତ ଚଳାଇଛି।
ସୂଚନାଯୋଗ୍ୟ, ଗତବର୍ଷ ନିର୍ବାଚନ ପୂର୍ବରୁ ବୋମା ଫୁଟାଇ ସାଇନ୍ଡାଏ ଘୋଷଣା କରାଯାଇ ନିର୍ବାଚନ ବାତିଲ କରାଯାଇଥିଲା।
