ନରାଜ,୧୮ା୫(ଡି.ଏନ୍.ଏ.): ଚଳିତବର୍ଷ ନନ୍ଦନାକାନନରେ ପ୍ରଥମ କରି ଶୁକ୍ରବାର ଜନ୍ତୁଙ୍କ ଉପରେ ଗ୍ରୀଷ୍ମ ତାପର ପ୍ରଭାବ ଦେଖିବାକୁ ମିଳିଛି। ନନ୍ଦନକାନନ ଖୁଆଡ ନଂ ୫୩ରେ ରହୁଥିବା ଅଣ୍ଡିରା ନୀଳଗିରି ଲାଙ୍ଗୁର ଗୁରୁତୁର ଭାବେ ଅସୁସ୍ଥ ହୋଇ ନନ୍ଦନକାନନ ପ୍ରାଣୀ ଚିକିତ୍ସାକେନ୍ଦ୍ରର ଆଇସୁଲେଶନ ଓାର୍ଡରେ ଚିକିତ୍ସିତ ହେଉଛି। ସକାଳ ୧୧ଟା ବେଳେ ତାରଜାଲି ଆବଦ୍ଧ ଖୁଆଡ ଭିତରେ ମାଈ, ଅଣ୍ଡିରା ଦୁଇଟି ନୀଳଗିରି ଲାଙ୍ଗୁର ମାଙ୍କଡ଼ ରହିଥିବା ବେଳେ ଅଣ୍ଡିରା ଲାଙ୍ଗୁର ଅସୁସ୍ଥ ହୋଇ ପଡିଥିଲା। ପ୍ରାଣୀ ଚିକିତ୍ସକମାନେ ଅନୁଧ୍ୟାନ କରିବାବେଳେ ଲାଙ୍ଗୁରର ଅବସ୍ଥା ଦେଖି ତାକୁ ତୁରନ୍ତ ପ୍ରାଣୀ ଚିକିତ୍ସାଳୟ ଆଣିଥିଲେ। ଲାଙ୍ଗୁର ତରଳ ଝାଡା ହୋଇ ଗୁରୁତର ଭାବେ ଦୁର୍ବଳ ହୋଇ ପଡିଥିଲା। ତାକୁ ଆଇସୁଲେଶନ ରୁମରେ ରଖି ପ୍ରଥମେ ସାଲାଇନ, ଆଣ୍ଟିବାୟୋଟିକ୍ ସହ ଚାପ ନିୟନ୍ତ୍ରଣକାରୀ ଔଷଧ ଦେଇ ଚିକିତ୍ସା କରାଯାଇଛି। ସନ୍ଧ୍ୟା ସୁଦ୍ଧା ତା’ର ସ୍ବାସ୍ଥ୍ୟ ଅବସ୍ଥାରେ ପରିବର୍ତ୍ତନ ହୋଇ ନ ଥିଲା। ଅଧିକତାପ ସାଙ୍ଗକୁ ନନ୍ଦନକାନନରେ ଗଛ ଛାଇ ଅଭାବରୁ ଗତ କିଛିଦିନ ହେଲା ନନ୍ଦନକାନନ ତାପମାତ୍ରା ଜନ୍ତୁମାନଙ୍କୁ ଅସହୟ କରି ଦେଉଥିବା ଦେଖାଯାଉଛି।