ନୟାଗଡ଼ ଅଫିସ,୨୭ା୪: ବାହାଘର ହେଲା। ହେଲେ ନ ଥିଲା ବାଜା ବାଣ, ରୋଷଣୀ କିମ୍ବା ଭୋଜି ଭାତର ଆସର। ପୁରୋହିତଙ୍କ ମନ୍ତ୍ରଗାନ ମଧ୍ୟ ଶୁଭୁ ନ ଥିଲା। ବରଯାତ୍ରୀ ବି ନ ଥିଲେ। କରୋନା ଯୋଗୁ ନିଆରା ବାହାଘର ହୋଇଛି ନୟାଗଡ଼ ଅତିରିକ୍ତ ଜିଲାପାଳଙ୍କ କାର୍ଯ୍ୟାଳୟରେ। ସୋମବାର ନୂଆଗାଁ ବ୍ଲକ ମହିପୁର ପାଟୁଳିସାହିର ଟୁଟୁ ସାହୁ ରାୟପୁର ଗାଁର ଦୀପାଞ୍ଜଳିଙ୍କ ହାତ ଧରିଛନ୍ତି। ସାମାଜିକ ଦୂରତ୍ୱ ରକ୍ଷା କରି ମାସ୍କ ପିନ୍ଧି ଉଭୟେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉପଜିଲାପାଳ ଲଗ୍ନଜିତ ରାଉତ କନ୍ୟାଦାନ କରିଥିଲେ। ବିବାହ ପରେ ମୁଖ୍ୟମନ୍ତ୍ରୀଙ୍କ ପାଣ୍ଠିକୁ ବର ନୂଆଗାଁ ହାଇସ୍କୁଲର କମ୍ୟୁଟର ଶିକ୍ଷକ ୨ମାସର ଦରମା ୧୨ ହଜାର ଟଙ୍କା ପ୍ରଦାନ କରିଛନ୍ତି। ସେହିପରି ଅତିରିକ୍ତ ଜିଲାପାଳବିଧାନ ଚନ୍ଦ୍ର ରାୟ ପୁଅ ପକ୍ଷରୁ ଉପସ୍ଥିତ ଥିଲେ।