ଓ୍ବାଶିଂଟନ,୩୧।୧୨: ନୂଆବର୍ଷକୁ ସ୍ବାଗତ କରିବା ପାଇଁ ଗୁଗୁଲ ଆତସବାଜୀକୁ ନେଇ ଡୁଡୁଲ ପ୍ରସ୍ତୁତ କରିଛି। ନ୍ୟୁ ଇୟର ଇଭ ନାଁରେ ଏହି ଡୁଡୁଲ ପ୍ରସ୍ତୁତ କରାଯାଇଛି। ଆଉ ମାତ୍ର କିଛି ଘଣ୍ଟା ମଧ୍ୟରେ ନୂଆବର୍ଷ ପାଳନ କରାଯାଉଥିବା ବେଳେ ଏବେ ସମସ୍ତେ ସେହି ମୁହୂର୍ତ୍ତକୁ ଅପେକ୍ଷା ରଖି ପ୍ରସ୍ତୁତିରେ ଲାଗି ପଡିଛନ୍ତି। ଗୁଗୁଲ ଡୁଡଲରେ ଏକ କାର୍ଟୁନ କ୍ୟାରେକ୍ଟରକୁ ମଧ୍ୟ ଦେଖିବାକୁ ମିଳିଛି ଯିଏ ନୂଆବର୍ଷ ପାଳନ କରିବାକୁ କ୍ୟାପ ପିନ୍ଧି ବସିଥିବା ଦେଖାଯାଉଛି। ଏହି କାର୍ଟୁନ କ୍ୟାରେକ୍ଟରକୁ ଫ୍ରଗି ବା ଦ ଓ୍ବେଦର ଫ୍ରଗ୍ ବୋଲି ମଧ୍ୟ କୁହାଯାଏ। ମୋବାଇଲରେ ମୌସୂମୀ ସମ୍ପର୍କିତ ଖବର ସର୍ଚ୍ଚ କରୁଥିବା ବ୍ୟକ୍ତି ଏହି କାର୍ଟୁନ କ୍ୟାରେକ୍ଟର ସହ ପରିଚିତ ଥିବେ।