ନୂଆବର୍ଷକୁ କିଏ କେତେ ଢଙ୍ଗରେ ପାଳନ କରି ଥାଆନ୍ତି। ହେଲେ କିଛି ଦେଶରେ ନୂଆବର୍ଷରେ ଖାଦ୍ୟ ଉପରେ ଗୁରୁତ୍ୱ ଦିଆଯାଇଥାଏ। କାରଣ ଏସବୁ ଖାଦ୍ୟ ସୁଖ ସମୃଦ୍ଧି ଆଣି ଦିଏ ବୋଲି ବିଶ୍ୱାସ ରହିଛି।
ମାଛ:
କେତେକ ୟୁରୋପୀୟ ଦେଶରେ ନୂଆବର୍ଷ ପୂର୍ବ ରାତିରେ ଲୋକେ ମାଛ ଖାଇଥାଆନ୍ତି। କାରଣ ଏହା ଶୁଭର ସଙ୍କେତ ହୋଇଥିବା ବେଳେ ଏହା ଏକାସଙ୍ଗେ ଅଧିକ ଅଣ୍ଡା ଦେଉଥିବାରୁ ଘରେ ସୁଖଶାନ୍ତି ଓ ଧନପ୍ରାପ୍ତି ହୋଇଥାଏ।
ନୁଡୁଲ୍ସ:
ବିଶେଷ କରି ଚାଇନା ଓ ଜାପାନର ଲୋକେ ଏହାକୁ ନ ଭାଙ୍ଗି ଖାଇଥାଆନ୍ତି। କାରଣ ଏହାଦ୍ୱାରା ଆୟୁ ଲମ୍ବା ହୋଇଥାଏ ବୋଲି କୁହାଯାଏ।
କେକ୍:
ସ୍ବାଦରେ ଏହା ମିଠା ହୋଇଥିବାରୁ ପରିବାର ଉପରେ ଏହାର ସକରାତ୍ମକ ପ୍ରଭାବ ପଡିଥାଏ ବୋଲି ଆମେରିକୀୟମାନେ ବଶ୍ୱାସ କରି ନୂଆବର୍ଷ ପୂର୍ବ ରାତିରେ କେକ୍ କାଟି ଥାଆନ୍ତି।
ଅଙ୍ଗୁର:
କେତେକ ୟୁରୋପୀୟ ଦେଶ ନୂଆବର୍ଷ ପୂର୍ବ ରାତିରେ ୧୨ଟି ଅଙ୍ଗୁର ଖାଇଥାଆନ୍ତି। କାରଣ ଏହାଦ୍ୱାରା ନୂତନବର୍ଷ ଭଲରେ କଟିଥାଏ ବୋଲି ସେମାନଙ୍କର ବିଶ୍ୱାସ ରହିଛି।
ଡାଳିମ୍ବ:
ଗ୍ରୀକ୍ ଦେଶର ଲୋକେ ନୂଆବର୍ଷ ପୂର୍ବ ରାତିରେ ଡାଳିମ୍ବ ଖାଇଥାଆନ୍ତି। ସେମାନଙ୍କ ମତରେ ଯେଉଁ ଫଳରେ ଅଧିକ ମଞ୍ଜି ଥାଏ ତାହା ଘରେ ସୁଖସମୃଦ୍ଧି ବୃଦ୍ଧି କରିବା ସହ ଧନ ବୃଦ୍ଧି ମଧ୍ୟ କରିଥାଏ। କେବଳ ସେତିକି ନୁହେଁ ଏହାଦ୍ୱାରା ପରିବାର ମଧ୍ୟ ବୃଦ୍ଧି ହୋଇଥାଏ।