କୋମନା,୧୦।୯(ଡି.ଏନ.ଏ.)
ନୂଆପଡ଼ା ଜିଲା କୋମନା ପୋଲିସ ପକ୍ଷରୁ ସୋମବାର ନୂଆ ମୋଟରଯାନ ଆଇନ ନେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଜନସାଧାରଣ, ମୋଟରଯାନ ଚାଳକ ଓ ମାଲିକମାନଙ୍କ ପାଇଁ ସଂଶୋଧିତ ମୋଟରଯାନ ଆଇନ ୨୦୧୯ ନିୟମାବଳି ଉପରେ କୋମନା ବସଷ୍ଟାଣ୍ଡ ନିକଟରେ ସଚେତନତା କରାଯାଇଛି। ଏଥିରେ ଭାରତ ସରକାରଙ୍କ ନୂଆ ନିୟମାବଳି ଓ ଦଣ୍ଡବିଧାନ ବିଷୟରେ ଲୋକଙ୍କୁ ସଚେତନ କରାଯାଇଥିଲା । ଭାରତ ସରକାରଙ୍କ ଦ୍ୱାରା ମୋଟରଯାନ ଆଇନ ୧୯୮୮ର ସଂଶୋଧନ କରାଯାଇଛି ଏବଂ ଏହି ସଂଶୋଧିତ ମୋଟରଯାନ ଆଇନ ୨୦୧୯ର ନିୟମାବଳି ସେପ୍ଟେମ୍ବର ୧ରୁ ସାରା ରାଜ୍ୟରେ କଡାକଡି ଭାବେ ଲାଗୁ ହୋଇଛି। ଏହି ସଂଶୋଧିତ ଆଇନରେ ଟ୍ରାଫିକ ନିୟମ ଉଲ୍ଲଂଘନକାରୀମାନଙ୍କୁ କଠୋର ଆର୍ଥତ୍କ ଦଣ୍ଡବିଧାନ ବ୍ୟବସ୍ଥା ରହିଛି। ଜନସାଧାରଣ, ମୋଟରଯାନ ଚାଳକ ଏବଂ ମାଲିକମାନଙ୍କ ଅବଗତି ନିମନ୍ତେ କେତେକ ଗୁରୁତ୍ୱପୂର୍ଣ୍ଣ ଦଫାରେ ଆର୍ଥତ୍କ ଜରିମାନା ପରିମାଣର ସାରଣୀ କରି ଲୋକଙ୍କୁ ସଚେତନତା କରାଯାଇଥିଲା । ଏହି କାର୍ଯ୍ୟକ୍ରମକୁ କୋମନା ଥାନାଧିକାରୀ ନିର୍ମଳ ଚନ୍ଦ୍ର ପାଣିଗ୍ରାହୀ ପରିଚାଳନା କରି ଲୋକଙ୍କୁ ଟ୍ରାଫିକ ନିୟମ ମାନିବା, ଗାଡି ଚଳାଇବା ବେଳେ ହେଲମେଟ ପନ୍ଧିବା, ମଦ୍ୟପାନ କରି ଗାଡି ନ ଚଳାଇବା, ଦ୍ରୁତ ଗତିରେ ଗାଡି ନ ଚଳାଇବା, ସିଟବେଲ୍ଟ ପରିଧାନ କରିବା ଉପରେ ସଚେତନ କରିଥିଲେ।