ନୂଆଦିଲ୍ଲୀ,୨୬-୧୧: ବ୍ୟାଙ୍କ ଖାତାରେ ନୂ୍ୟନତମ ମାସିକ ବାଲାନ୍ସ ନ ରଖିବା ଯୋଗୁ ଜରିମାନା ବାବଦ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୨୦୧୮-୧୯ରେ ଗ୍ରାହକଙ୍କଠାରୁ ୧୯୯୬.୪୬ କୋଟି ଟଙ୍କା ଆଦାୟ କରିଛନ୍ତି। ୨୦୧୭-୧୮ରେ ୧୮ ବ୍ୟାଙ୍କ ଏହି ବାବଦରେ ୩,୩୬୮.୪୨ କୋଟି ଟଙ୍କା ଆଦାୟ କରିଥିଲେ। ୨୦୧୬-୧୭ରେ ଏହା ୭୯୦ କୋଟି ଟଙ୍କା ରହିଥିଲା ବୋଲି ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ସିଂ ଠାକୁର ଲୋକସଭାକୁ ଏହି ସୂଚନା ଦେଇଛନ୍ତି। ପ୍ରଧାନମନ୍ତ୍ରୀ ଜନଧନ ଯୋଜନାରେ ବେସିକ ସେଭିଙ୍ଗସ ଆକାଉଣ୍ଟ ଲାଗି କୌଣସି ଜରିମାନା ଲାଗୁ ହେଉ ନାହିଁ। ଚଳିତବର୍ଷ ମାର୍ଚ୍ଚ ଶେଷ ସୁଦ୍ଧା ସାରା ଦେଶରେ ଏଭଳି ୫୭.୩ କୋଟି ଆକାଉଣ୍ଟ ରହିଥିବା ଜଣାପଡିଛି।