ମୁମ୍ବାଇ: ପ୍ଲେବ୍ୟାକ୍ ସିଙ୍ଗର ନେହା କକ୍କର ଇନ୍ଷ୍ଟାଗ୍ରାମ୍ରେ ନିଜର ଏକ ହିଟ୍ ମ୍ୟୁଜିକ୍ ଭିଡିଓ ‘ଜିନ୍ କେ ଲିୟେ’ର କିଛି ଆଖି ଲାଖିଯିବା ଭଳି ଫଟୋ ଶେୟାର କରିଛନ୍ତି। ନେହା ଏହି ଫଟୋରେ ଏକ ସୁନ୍ଦର ଡ୍ରେସ୍ ପିନ୍ଧି ଭିନ୍ନ ଭିନ୍ନ ପୋଜ୍ରେ ନଜର ଆସିଛନ୍ତି। ଫଟୋ ଶେୟାର କରି ନେହା ଲେଖିଛନ୍ତି, ଯାହା ପାଇଁ ମୋ’ର ଏ ସୁନ୍ଦର ଲୁକ୍। ଆପଣଙ୍କ ପସନ୍ଦର ଲୁକ୍ କେଉଁଟା? ଶେୟାର ହେବାର କିଛି ମିନିଟ୍ ମଧ୍ୟରେ ପ୍ରଶଂସକ ମତୁଆଲା ହୋଇଉଠିଛନ୍ତି। ଏହି ଫଟୋକୁ ହଜାରରୁ ଅଧିକ ଲୋକ ପସନ୍ଦ କରିଥିବା ବେଳେ ଶେୟାର ମଧ୍ୟ କରିଛନ୍ତି। କମେଣ୍ଟ୍ ବକ୍ସରେ ୟୁଜରମାନେ ନେହାଙ୍କ ଲୁକ୍କୁ ମନଭରି ପ୍ରଶଂସା କରିଛନ୍ତି।
ଜଣେ ୟୁଜର ଲେଖିଛନ୍ତି, ଧଳା ରଙ୍ଗର ଗାଉନ୍ ଆପଣଙ୍କୁ ଖୁବ୍ ମାନୁଛି। ଏଥିରେ ଆପଣ ବହୁତ ସୁନ୍ଦର ଦେଖାଯାଉଛନ୍ତି ମାଡାମ୍। ସେହିପରି ଆଉ ଜଣେ ୟୁଜର ଲେଖିଛନ୍ତି, ମୁଁ ଯେତେ ଝିଅ ଦେଖିଛି ସବୁଠୁ ସୁନ୍ଦର ଆପଣ। ଗୀତରେ ନେହା ଏବଂ ବି. ପ୍ରାଗ୍ କଣ୍ଠଦାନ କରିଛନ୍ତି। ୩୧ ମାର୍ଚ୍ଚରେ ରିଲିଜ୍ ହୋଇଥିବା ଏହି ଗୀତକୁ ବର୍ତ୍ତମାନ ସୁଦ୍ଧା ୭୦ ଲକ୍ଷରୁ ଅଧିକ ଲୋକ ଶୁଣିସାରିଲେଣି। ୪ ମିନିଟ୍ ୨୪ ସେକେଣ୍ଡ୍ର ପ୍ରେମ ଏବଂ ପ୍ରତାରଣାର କାହାଣୀ ବିଶିଷ୍ଟ ଏହି ଗୀତର ଭିଡିଓକୁ ୧୦ ଲକ୍ଷରୁ ଅଧିକ ଲୋକ ପସନ୍ଦ କରିସାରିଲେଣି। ନିକଟରେ ନେହା ତାଙ୍କ ଜନ୍ମଦିନ ପାଳିଥିଲେ। ଏହି ଅବସରରେ ସେ ଇନ୍ଷ୍ଟାଗ୍ରାମ୍ରେ ଫ୍ୟାନ୍ମାନଙ୍କ ସହ କଥା ହୋଇଥିଲେ।