ନଏଡା,୨।୮: ମହିଳାଙ୍କ ସୁବିଧା ପାଇଁ ଦିଲ୍ଲୀର ନଏଡାର ସେକ୍ଟର-୫୦ ସ୍ଥିତ ଏକ ମାର୍କେଟରେ ପିଙ୍କ ଟଏଲେଟ ଆରମ୍ଭ ହୋଇଛି। ଗୁରୁବାର ନଏଡା ପ୍ରଶାସନର ଅଧ୍ୟକ୍ଷ ଆଲୋକ ଟଣ୍ଡନ ଓ ମୁଖ୍ୟ କାର୍ଯ୍ୟକାରୀ ଅଧିକାରୀ ରିତୁ ମହେଶ୍ୱରୀ ପ୍ରଥମ ପିଙ୍କ ଟଏଲେଟକୁ ଉଦ୍ଘାଟନ କରିଥିଲେ। ଏହି ଟଏଲେଟ ସକାଳ ୮ରୁ ରାତି ୮ଟା ପର୍ଯ୍ୟନ୍ତ ଖୋଲାଯିବାକୁ ଥିବା ବେଳେ ଏହା ସମ୍ପୁର୍ଣ୍ଣ ଦେୟ ମୁକ୍ତ ରହିବ। ବ୍ୟବହୃତ ହୋଇଥିବା ନାପକିନ୍କୁ ଏଣେତେଣେ ନ ପକାଇ ସେଠାରେ ଥିବା ଏକ ମେଶିନ୍ରେ ପକାଇବାର ସୁବିଧା ମଧ୍ୟ କରାଯାଇଛି। ଆସନ୍ତା ୨ମାସ ମଧ୍ୟରେ ସହରରେ ଏଭଳି ୯ଟି ଫିଙ୍କ୍ ଟଏଲେଟ ତିଆରି କରାଯିବ। ଅନ୍ୟ ୯ଟି ପିଙ୍କ୍ ଟଏଲେଟରେ ମଧ୍ୟ ଏଭଳି ମେଶିନ୍ ଲଗାଯିବ ବୋଲି ସୂଚନା ରହିଛି। ଏହି ସହରର ୮୪ଟି ସ୍ଥାନରେ ଆଧୁନିକ ସାର୍ବଜନୀନ ଟଏଲେଟ ତିଆରି କରାଯିବାକୁ ଥିବା ବେଳେ ୭୪ଟି ତିଆରି ହୋଇଯାଇଛି ଅବଶିଷ୍ଟ ଆଉ ୧୦ଟି ତିଆରି ହେବାକୁ ରହିଛି। ଆଉ ଏହି ୧୦ଟି ଟଏଲେଟ କେବଳ ମହିଳାଙ୍କ ବ୍ୟବହାର ପାଇଁ ତିଆରି କରାଯିବ ବୋଲି ରିତୁ ମହେଶ୍ୱରୀ କହିଛନ୍ତି। ନଏଡା ପୂର୍ବରୁ ଉତ୍ତରପ୍ରଦେଶର ଗାଜିଆବାଦ, ତେଲେଙ୍ଗାନା ଓ ହାଇଦ୍ରାବାଦରେ ମଧ୍ୟ ଫିଙ୍କ୍ ଟଏଲେଟର ସୁବିଧା ରହିଛି।