ନୂଆଦିଲ୍ଲୀ,୨୮।୫: ମୋବାଇଲ ଫୋନ ନିର୍ମାଣକାରୀ କମ୍ପାନୀ ନୋକିଆର ୪୨ଜଣ କର୍ମଚାରୀ କରୋନା ଆକ୍ରାନ୍ତ ବୋଲି ଜଣାପଡିଛି। ଏମାନେ ଶ୍ରୀପେରୁମ୍ବୁଡୁର ତାମିଲନାଡୁ ୟୁନିଟ୍ରୁ କାମ କରୁଥିଲେ। ଏହି ଘଟଣାକୁ ଧ୍ୟାନରେ ରଖି ଆସନ୍ତା ନିର୍ଦ୍ଦେଶାବଳୀ ପର୍ଯ୍ୟନ୍ତ କାରଖାନାର ଉତ୍ପାଦନ ବନ୍ଦ ରହିବ ବୋଲି ମଙ୍ଗଳବାର କମ୍ପାନୀ ପକ୍ଷରୁ ଗଣମାଧ୍ୟମକୁ ସୂଚନା ଦିଆଯାଇଛି। ଗତ ସପ୍ତାହରେ କମ୍ପାନୀର କିଛି କର୍ମଚାରୀ କରୋନା ସଂକ୍ରମଣ ସନ୍ଦେହରେ ସ୍ଥାନୀୟ ଚିକିତ୍ସାଳୟକୁ ଚିକିତ୍ସା ପାଇଁ ଯାଇଥିଲେ ପ୍ରାଥମିକ ଚିକିତ୍ସାରୁ କମ୍ପାନୀର ପ୍ରାୟତଃ ୪୨ଜଣ କର୍ମଚାରୀ କୋଭିଡ୍-୧୯ରେ ଆକ୍ରାନ୍ତ ବୋଲି ଜଣାପଡ଼ିବାରୁ କାରଖାନକୁ ବନ୍ଦ ରଖିବା ପାଇଁ କମ୍ପାନୀ ନିଷ୍ପତ୍ତି ନେଇଛି। ଉକ୍ତ କର୍ମଚାରୀମାନେ କାହା କାହା ସହ ମିଳାମିଶା କରିଥିଲେ ଏବଂ କମ୍ପାନୀର କେଉଁ ସବୁ ସ୍ଥାନରେ କାମ ଓ ଚଳପ୍ରଚଳ କରିଛନ୍ତି ସେ ବିଷୟରେ ଆବଶ୍ୟକ ତଥ୍ୟ ସଂଗ୍ରହକରି ସରକାରୀ ନିୟମାବଳୀ ଅନୁସାରେ କାରଖାନାକୁ ସମ୍ପୂର୍ଣ୍ଣ ସାନିଟାଇଜ କରିବା ପାଇଁ ଏହି ବନ୍ଦ କରାଯାଇଛି । ଅନ୍ୟମାନେ ଯେପରି ଏହି ସଂକ୍ରମଣରେ ଆକ୍ରାନ୍ତ ନ ହୁଅନ୍ତି ଏବଂ ବାଣିଜି୍ୟକ କ୍ଷତି କମ୍ପାନୀ ପାଇଁ ଚିନ୍ତାର କାରଣ ହୋଇଛି। ଗତ କିଛିଦିନ ତଳେ ଓପୋ ଫୋନ’ର କେତେଜଣ କର୍ମଚାରୀ ମଧ୍ୟ ଏହି ସଂକ୍ରମଣରେ ଆକ୍ରାନ୍ତ ହୋଇଥିଲେ। ଫଳରେ କମ୍ପାନୀ ତା’ର ଉତ୍ପାଦନକୁ ବନ୍ଦ ରଖିଥିବା କମ୍ପାନୀର ଜଣେ ବରିଷ୍ଠ ଅଧିକାରୀ ସୂଚନା ଦେଇଥିଲେ।