ନୂଆଦିଲ୍ଲୀ, ୩୦।୬: ଭାରତୀୟ ନୌସେନାର ଗୋଇନ୍ଦା ବିଭାଗକୁ ସୁଦୃଢ଼ କରିବା ପାଇଁ ରିସର୍ଚ୍ଚ ଆଣ୍ଡ ଆନାଲିସିସ୍ ଓ୍ବିଙ୍ଗ୍(ର) ପକ୍ଷରୁ ଯୋଜନା କରାଯାଇଛି। ଏହା ଦ୍ୱାରା ଶତ୍ରୁ ଉପରେ କଡ଼ା ନଜର ରଖାଯାଇ ପାରିବ। ଭାରତ ମହାସାଗରରେ ଚାଇନା ଏବଂ ପାକିସ୍ତାନ ଉପରେ ନଜର ରଖିବା ଲାଗି ଏପରି କରାଯାଉଥିବା କୁହାଯାଉଛି। ୮ ମାସ ତଳେ ମାଳଦ୍ୱୀପରେ ଚାଇନାର ହସ୍ତକ୍ଷେପ କରିବା ଘଟଣା ଯୋଗୁ ଭାରତର ଚିନ୍ତା ବୃଦ୍ଧି ପାଇଥିଲା। ସେହିପରି ପାକିସ୍ତାନରେ ଚାଇନା ବ୍ୟବସାୟିକ କ୍ଷେତ୍ର ନିର୍ମାଣ କରିବା ଭାରତ ପ୍ରତି ବିପଦ ସୃଷ୍ଟି କରିଛି। ଏସବୁକୁ ଦୃଷ୍ଟିରେ ରଖି ‘ର’ ଏପରି ନିଷ୍ପତ୍ତି ନେଇଥିବା କୁହାଯାଉଛି।