ଅକ୍ଲାଣ୍ଡ,୨।୭ (ପି.ଟି.): ପିଟର ଫଲଟନ ନ୍ୟୁଜିଲାଣ୍ଡର ବ୍ୟାଟିଂ କୋଚ୍ ପଦ ଛାଡିଛନ୍ତି। ସେ କାଣ୍ଟେରବୁରି ପୁରୁଷ ଦଳର ମୁଖ୍ୟ କୋଚ୍ ଭାବେ ନିଯୁକ୍ତ ହେବା ପାଇଁ ପଦ ଛାଡିଛନ୍ତି ବୋଲି ନ୍ୟୁଜିଲାଣ୍ଡ କ୍ରିକେଟ ତରଫରୁ ଗୁରୁବାର କୁହାଯାଇଛି। ନ୍ୟୁଜିଲାଣ୍ଡ ତରଫରୁ ଫଲଟନ ୨୩ ଟେଷ୍ଟ ଓ ୪୯ ଦିନିକିଆ ଖେଳିଛନ୍ତି। ୨୦୧୯ ଅଗଷ୍ଟରେ ଦେଶରେ ବ୍ୟାଟିଂ କୋଚ୍ର ଦାୟିତ୍ୱ ନେଇଥିଲେ ଦଳ ସହିତ ଶ୍ରୀଲଙ୍କା ଓ ଅଷ୍ଟ୍ରେଲିଆ ଗସ୍ତ କରିଥିଲେ। ସେ ମଧ୍ୟ ଇଂଲଣ୍ଡ ଓ ଭାରତ ବିପକ୍ଷ ଘରୋଇ ସିରିଜରେ ସଫଳତାର ସହ ଦାୟିତ୍ୱ ସମ୍ପାଦନ କରିଥିଲେ। ଜାତୀୟ ଦଳ ସହ କାର୍ଯ୍ୟକରି ବହୁତ ସନ୍ତୁଷ ଲାଭ କରିଛି। ତେବେ କାଣ୍ଟେରବୁରି ତରଫରୁ ଦିଆଯାଇଥିବା ପ୍ରସ୍ତାବକୁ ଅଣଦେଖା କରି ହେଲାନାହିଁ ବୋଲି ୪୧ ବର୍ଷୀୟ ଫଲଟନ କହିଛନ୍ତି। ନୂଆ ଦାୟିତ୍ୱ ନେବାକୁ ଯାଉଥିବାରୁ ନ୍ୟୁଜିଲାଣ୍ଡ କ୍ରିକେଟ ହାଇ ପରଫରର୍ମାନ୍ସ ଜେନେରାଲ ମ୍ୟାନେଜର ବ୍ରାଏନ ଷ୍ଟ୍ରୋନଚ୍ ଫଲଟନଙ୍କୁ ଅଭିନନ୍ଦନ ଜଣାଇବା ସହ ଶୁଭେଚ୍ଛା ଜଣାଇଛନ୍ତି। କାଣ୍ଟେରବୁରି କ୍ରିକେଟକୁ ନୂଆ ରୂପ ଦେବାରେ ଫଲଟନ ସଫଳ ହେବେ ବୋଲି ସେ କହିଛନ୍ତି। ଅଗଷ୍ଟ ୧ ତାରିଖରୁ ଫଲଟନ ନୂଆ ଦାୟିତ୍ୱ ସମ୍ଭାଳିବେ।
