ନୂଆଦିଲ୍ଲୀ,୬।୩: ଆଇସିସି ଟି -୨୦ ବିଶ୍ୱକପ୍ ୨୦୨୪ ଜୁନ ୧ରୁ ଆରମ୍ଭ ହେବ । ଏଥିରେ ଭାରତର ପ୍ରଥମ ମ୍ୟାଚ ଆୟର୍ଲାଣ୍ଡ ବିପକ୍ଷରେ ରହିଛି। ଏହି ମ୍ୟାଚ ୫ ଜୁନ୍ରେ ଭାରତ ଏବଂ ଆୟର୍ଲାଣ୍ଡ ମଧ୍ୟରେ ଖେଳାଯିବ। ଏଥର ଟିମ ଇଣ୍ଡିଆ ଏହାର ସମସ୍ତ ମ୍ୟାଚ ନ୍ୟୁୟର୍କରେ ଖେଳିବ । ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ ଜୁନ ୨ରେ ଖେଳାଯିବ। ଭାରତ ଏବଂ ପାକିସ୍ତାନ ମଧ୍ୟରେ ଯେଉଁ ମ୍ୟାଚ ଅନୁଷ୍ଠିତ ହେବ ତାହା ଏ ପର୍ଯ୍ୟନ୍ତ ସମ୍ପୂର୍ଣ୍ଣ ପ୍ରସ୍ତୁତ ହୋଇନାହିଁ। ନିକଟରେ ଆଇସିସି ଏକ ଭିଡିଓ ଶେୟାର କରିଛି।
ବାସ୍ତବରେ ଆଇସିସି ଷ୍ଟାଡିୟମର ପ୍ରସ୍ତୁତିର ଭିଡିଓକୁ ଏକ୍ସରେ ଶେୟାର କରିଛି । ଭାରତ ଏବଂ ପାକିସ୍ତାନ ମଧ୍ୟରେ କେଉଁଠାରେ ମ୍ୟାଚ ଅନୁଷ୍ଠିତ ହେବ ତାହା ପୂର୍ବରୁ କିଛି ନ ଥିଲା। ଷ୍ଟାଡିୟମ ପାଇଁ ଏହି ଅଞ୍ଚଳ ପ୍ରସ୍ତୁତ ହେଉଛି। ଖାଲି ଜମିରେ ଷ୍ଟାଡିୟମ ନିର୍ମାଣ କରାଯାଉଛି। କିନ୍ତୁ ଏହା ଏ ପର୍ଯ୍ୟନ୍ତ ସମ୍ପୂର୍ଣ୍ଣ ପ୍ରସ୍ତୁତ ନୁହେଁ। ତେବେ ଏହା ଶୀଘ୍ର ପ୍ରସ୍ତୁତ ହେବ ବୋଲି ଆଶା କରାଯାଉଛି। ଆଇସିସି ଏହାର ୱେବସାଇଟରେ ଫଟୋ ମଧ୍ୟ ଶେୟାର କରିଛି।