ଲଣ୍ଡନ,୨୨।୧- ଆର୍ସେନାଲ ଷ୍ଟାଇକର ହେକ୍ଟର ବେଲରିନଙ୍କ ଗୋଲଙ୍କ ଯୋଗୁ ଷ୍ଟାମଫର୍ଡ ବ୍ରିଜଠାରେ ଖେଳାଯାଇଥିବା ଚେଲସି ବିପକ୍ଷ ମ୍ୟାଚ୍କୁ ଆର୍ସେନଲ ୨-୨ ଗୋଲରେ ବରାବର ରଖିବାକୁ ସକ୍ଷମ ହୋଇଛି। ଫଳରେ ଟପ୍ ୪ରେ ସ୍ଥାନ ପାଇଥିବା ଚେଲସି ମ୍ୟାଚ୍ରୁ ମାତ୍ର ଏକ ପଏଣ୍ଟ ହାତେଇବାକୁ ସକ୍ଷମ ହୋଇଛି। ମ୍ୟାଚ୍ର ପ୍ରଥମାର୍ଦ୍ଧର ୨୬ତମ ମିନିଟ୍ରେ ଆର୍ସେନାଲ ଖେଳାଳି ଡେଭିଡ ଲୁଇଜଙ୍କୁ ରେଡ୍କାର୍ଡ ମିଳିଥିଲା। ଏହାର ୨ ମିନିଟ୍ ପରେ ଚେଲସିକୁ ମିଳିଥିବା ପେନାଲ୍ଟିକୁ ଜୋର୍ଗିନୋ (୨୮ତମ ମିନିଟ୍) ଗୋଲରେ ପରିଣତ କରିଥିଲେ। ଦ୍ୱିତୀୟାର୍ଦ୍ଧର ୬୩ତମ ମିନିଟ୍ରେ ଆର୍ସେନାଲର ଗାବ୍ରିଏଲ ମାର୍ଟିନେଲଙ୍କ ଗୋଲ ବଳରେ ମ୍ୟାଚ୍ ସମାନ ସ୍ତରକୁ ଆସିଥିଲା। ୮୪ତମ ମିନିଟ୍ରେ ସିସାର ଆଜପିଲିକ୍ୟୁଟାଙ୍କ ଗୋଲ ଚେଲସିକୁ ୨-୧ ଗୋଲର ଅଗ୍ରଣୀ ଆଣିଦେଇଥିଲା। ହେଲେ ବେଲରିନ (୮୭ତମ)ଗୋଲ ଚେଲସି ହାତରୁ ସମ୍ପୂର୍ଣ୍ଣ ପଏଣ୍ଟ ହାତେଇବା ସୁଯୋଗ ଛଡ଼ାଇ ନେଇଥିଲା।