ଚମ୍ପୁଆ,୪।୬(ଡି.ଏନ.ଏ)-ଓଡିଶା ଚାଷୀଙ୍କୁ ଏବେ ପଙ୍ଗପାଳ ଭୟ ଘାରିଥିବା ବେଳେ ସରକାରଙ୍କ ପକ୍ଷରୁ ଏଥିପାଇଁ ପ୍ରସ୍ତୁତି ପର୍ବ ଆରମ୍ଭ ହୋଇଯାଇଛି। ହଜାର ହଜାର ସଂଖ୍ୟାରେ ଏହି ପଙ୍ଗପାଳ ଶସ୍ୟ କ୍ଷେତ୍ରକୁ ସମୂଳେ ନଷ୍ଟ କରିଦେବାର ସମ୍ଭାବନା ରହିଛି। ଏହି ପରୀପ୍ରେକ୍ଷୀରେ କେନ୍ଦୁଝର ଜିଲାପାଳଙ୍କ ନିର୍ଦ୍ଦେଶ କ୍ରମେ ଜିଲା କୃଷି ବିଭାଗ କେନ୍ଦୁଝର ଏ.ଡି.ଏ ପୂର୍ଣ୍ଣଚନ୍ଦ୍ର ସାହୁ, ଚମ୍ପୁଆ କୃଷି ଜିଲା ଅଧିକାରୀ ଗଜେନ୍ଦ୍ରନାଥ ଗୋଚ୍ଛାୟତ, ବ୍ଲକ କୃଷି ଅଧିକାରୀ ବିଷ୍ଣୁପ୍ରସାଦ କର, ସହକାରୀ କୃହି ଅଧିକାରୀ ଅବିନାଶ ବେହେରା ଓ କୃହି ଅଧିଦର୍ଶକ ଅଜିତ କୁମାର ସେଠୀ ପ୍ରମୁଖ ଚମ୍ପୁଆ ଓ ଝାଡ଼ଖଣ୍ଡର ଉପାନ୍ତ ଅଞ୍ଚଳ କଙ୍କଡାପାଟ, କୁଟାରିପଶି, କୁଦାପି ଏବଂ ଯୋଡା ବ୍ଲକର ପୁଟୁଗାଁ ଆଦି ଅଞ୍ଚଳରେ ସ୍ଥାନୀୟ ଚାଷୀଙ୍କୁ ପଙ୍ଗପାଳ ସମନ୍ଧୀୟ ସୂଚନା ଦେବା ସହିତ ଏହାର ପ୍ରଭାବ ଓ ଏହାର ପ୍ରତିକାର ସମନ୍ଧରେ ବୁଝାଇଥିଲେ। ପଙ୍ଗପାଳ ଓ ଝିଣ୍ଟିକା ମଧ୍ୟରେ ଫରକ ଅବଗତ କରାଇବା ସହିତ ପଙ୍ଗପାଳ ଆସିଲେ ତୁରନ୍ତ କୃଷି ବିଭାଗକୁ ସୂଚନା ଦେବାପାଇଁ ଅନୁରୋଧ କରିଥିଲେ। ଏହି ପରିପ୍ରେକ୍ଷୀରେ ଉପାନ୍ତ ଗ୍ରାମ ଗୁଡିକରେ ସଚେତନ ବାର୍ତ୍ତା ସମ୍ବଳିତ ପ୍ରଚାର ପତ୍ର ବଣ୍ଟାଯାଇଥିଲା। ଏ ନେଇ ଚମ୍ପୁଆ କୃଷି ଜିଲା ଅଧିକାରୀ ଗୋଚ୍ଛାୟତଙ୍କୁ ପଚାରିବାରୁ ପଙ୍ଗପାଳ ଗୁଡିକ ଦିନବେଳେ ଫସଲ ହାନି କରୁଥିବା ବେଳେ ରାତି ହେଲେ ଦଳବଦ୍ଧ ଭାବରେ ଏକ ନିଦ୍ଦିଷ୍ଟ ଗଛରେ ରହିଥାନ୍ତି। ଉପାନ୍ତ ଚାଷୀମାନେ ପଙ୍ଗପାଳ ବିଷୟରେ ଆମକୁ ସୂଚନା ଦେଲେ ଆମ୍ଭେ ତୁରନ୍ତ ପଦକ୍ଷପ ଗ୍ରହଣ କରି ପାରିବୁ ବୋଲି ସୂଚନା ଦେଇଛନ୍ତି।