ଅମାନ (ଜୋର୍ଡାନ),୯।୩(ପି.ଟି.)- ବିଶ୍ୱ ଚାମ୍ପିୟନଶିପ ରୌପ୍ୟ ପଦକଧାରୀ ବକ୍ସର ଅମିତ ପଙ୍ଘାଲ ୫୨ କେଜି ଓଜନ ବର୍ଗରେ ଅଲିମ୍ପିକ୍ସ ଯୋଗ୍ୟତା ହାସଲ କରିଛନ୍ତି। ସୋମବାର କ୍ୱାର୍ଟର ଫାଇନାଲରେ ସେ ଫିଲିପାଇନ୍ସର କାର୍ଲୋ ପାଲମଙ୍କୁ ହରାଇ ଏସିଆନ କ୍ୱାଲିଫାୟର୍ସର ସେମିଫାଇନାଲରେ ପ୍ରବେଶ କରିଛନ୍ତିି। ଟପ୍ ସିଡ୍ ଭାରତୀୟ ବକ୍ସର ତଥା ଏସିଆନ ଗେମ୍ସ ଚାମ୍ପିୟନ ପଙ୍ଘାଲ ୪-୧ରେ ମ୍ୟାଚ୍କୁ ଜିତି ନେଇଥିଲେ। ଅନ୍ୟପକ୍ଷରେ ପୂର୍ବତନ ଜୁନିୟର ବିଶ୍ୱ ଚାମ୍ପିୟନ ସାକ୍ଷି ଚୌଧାରୀ (୫୭ କେଜି) ଅଲିମ୍ପିକ୍ସ ଯୋଗ୍ୟତା ହାସଲ କରିବାରେ ବିଫଳ ହୋଇଛନ୍ତି। ୧୯ ବର୍ଷୀୟା ଚୌଧାରୀ ୦-୫ ବ୍ୟବଧାନରେ କୋରିଆର ଇମ ଏଜିଙ୍କଠାରୁ କ୍ୱାର୍ଟର ଫାଇନାଲରେ ହାରିଯାଇଛନ୍ତି।