ଭୁବନେଶ୍ୱର,୨୫-୬(ବ୍ୟୁରୋ): କଳାମନ୍ଦିର ଗ୍ରୁପ ପକ୍ଷରୁ ପଟିଆ ମେନ୍ରୋଡଠାରେ ପ୍ରତିଷ୍ଠିତ ବ୍ରାଣ୍ଡ ରେମଣ୍ଡର ନୂଆ ପୋଷାକ ଷ୍ଟୋର ଶୁଭାରମ୍ଭ ହୋଇଛି। ପୋଲିସ କମିଶନର ସତ୍ୟଜିତ ମହାନ୍ତି ଏହି ଶୋ’ରୁମକୁ ଉନ୍ମୋଚନ କରିଥିଲେ। ଷ୍ଟୋରଟି ୨,୫୦୦ ବର୍ଗଫୁଟରେ ଖୋଲିଛି। ନୂଆ ଶୋ’ରୁମରେ କପଡା ସହ ରେଡି ଟୁ ଓ୍ବେର ପୋଷାକ, ରେମଣ୍ଡ, ପାର୍କ ଆଭେନ୍ୟୁ,କଲର ପ୍ଲସ, ପାର୍କସ ଭଳି ବ୍ରାଣ୍ଡ ଉପଲବ୍ଧ ରହିଛି। ଗ୍ରାହକଙ୍କ ଚାହିଦାକୁ ନଜରରେ ରଖି ନୂଆ ଷ୍ଟୋର ଖୋଲାଯାଇଥିବା ଷ୍ଟୋରର ସ୍ବତ୍ୱାଧିକାରୀ ରାଜପାଲ ସିଂ ଅରୋରା କହିଛନ୍ତି। ଗ୍ରାହକମାନେ ଏଠାରେ ଶୁଭାରମ୍ଭ ଅଫର ଲାଭ କରିପାରିବେ। ୧୯୨୫ରୁ ରେମଣ୍ଡ ଏହାର ପ୍ରଡକ୍ଟ ବଜାରରେ ଉପଲବ୍ଧ କରାଉଛି। ୩୮୦ ସହରରେ ୧୧୦୦ରୁ ଅଧିକ ଷ୍ଟୋର ସହ ଏହା ସେବା ଯୋଗାଉଥିବା କମ୍ପାନୀ ପକ୍ଷରୁ ସୂଚନା ରହିଛି। କାର୍ଯ୍ୟକ୍ରମରେ କଳାମନ୍ଦିରର ସ୍ବତ୍ୱାଧିକାରୀ ଗୁରୁ ଦୟାଲ ସିଂ ଅରୋରା ଉପସ୍ଥିତ ଥିଲେ।