ବରଗଡ, ୧୦।୧(ଡି.ଏନ୍.ଏ.): ବରଗଡ଼ ଜିଲା ବିଜେପୁର ବ୍ଲକ ପଡା ଗାଁରେ ପ୍ରକାଶ ସାଂସ୍କୃତିକ ସଂସଦ ପକ୍ଷରୁ ସ୍ଥାନୀୟ ଲକ୍ଷ୍ମୀ ଲୀଳା ମଣ୍ଡପରେ ପୁଷ୍ପୁନି ଭେଟଘାଟ ଶୁକ୍ରବାର ଅନୁଷ୍ଠିତ ହୋଇଯାଇଛି। ଭାରତୀୟ ମୁକ୍ତି ସଂଗ୍ରାମୀ ଭାଗୀରଥି ପଟ୍ଟନାୟକ, ଜମ୍ବୋବତୀ ପଟ୍ଟନାୟକ, ପ୍ରଫୁଲ୍ଲ ପଟ୍ଟନାୟକଙ୍କ ପ୍ରତିମୂର୍ତ୍ତି ଓ ସାମାଜିକ କର୍ମୀ ପ୍ରକାଶ ଦେବତାଙ୍କ ତୈଳଚିତ୍ରରେ ଅତିଥିଗଣ ପୁଷ୍ପମାଲ୍ୟ ଅର୍ପଣ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ସାମାଜିକ କର୍ମୀ ଜନାର୍ଦ୍ଦନ ପାଣିଗ୍ରାହୀ, ବଳଭଦ୍ର ପଧାନ, ନାଟ୍ୟକାର ମୋହନ ସିଂ, ପୂର୍ବତନ ସରପଞ୍ଚ କବିରାଜ ମାଝି ଅତିଥି ଭାବେ ଯୋଗଦାନ କରିଥିଲେ। ସଭାପତି ପ୍ରଦୀପ ପଧାନ ସମାରୋହରେ ଅଧ୍ୟକ୍ଷତା କରିଥିଲେ। ମୁକ୍ତମଞ୍ଚ କୁଇଜ ସହ କୁନି କଳାକାରଙ୍କ ନୃତ୍ୟଗୀତରେ ଦର୍ଶକ ବିଭୋର ହୋଇଯାଇଥିଲେ। ଅହଲ୍ୟା ପଧାନ, ଈଶ୍ବର ମେହେର, ସନୟ ମେହେର ପ୍ରମୁଖ ସମ୍ବଲପୁରୀ କବିତା ପାଠ କରିଥିଲେ। ସଭା ପ୍ରାରମ୍ଭରେ କଣ୍ଠଶିଳ୍ପୀ ଦୂର୍ବାଦଳ ମେହେର ମାଲେଶ୍ରୀ ସଂଗୀତ ପରିବେଷଣ କରିଥିଲେ। ସମ୍ପାଦକ ଦିଲୀପ କୁମାର ଦେବତା, ଅକ୍ଷୟ କୁମାର ଦାଶ ପ୍ରମୁଖ କାର୍ଯ୍ୟକ୍ରମ ସଂଯୋଜନା କରିଥିଲେ।