ଭାରତୀୟ କ୍ରିକେଟରମାନେ ପ୍ରେମ ସମ୍ପର୍କକୁ ନେଇ ବେଶ୍ ଚର୍ଚ୍ଚାରେ ଥାନ୍ତି। କିଏ ବଲିଉଡ୍ ଅଭିନେତ୍ରୀ ତ ଆଉ କିଏ ଫ୍ୟାଶନ୍ ଡିଜାଇନର୍କୁ ପ୍ରେମରେ ପଡି ବିବାହ ମଧ୍ୟ କରିଛନ୍ତି। କିନ୍ତୁ ଭାରତୀୟ ଦଳର ଷ୍ଟାର୍ କ୍ରିକେଟର୍ ଅଜିଙ୍କେ ରାହାଣେ ପିଲାଦିନର ସାଥୀ ରାଧିକାଙ୍କୁ ପ୍ରେମ ବିବାହ କରିଛନ୍ତି। ମୁମ୍ବାଇରେ ରହୁଥିବା ରାହାଣେ ଏବଂ ରାଧିକା ଗୋଟିଏ କଲୋନୀରେ ରହୁଥିଲେ। ଉଭୟଙ୍କ ପରିବାର ମଧ୍ୟ ଜଣାଶୁଣା ଥଲେ। ଦୁହେଁ ଗୋଟିଏ ସ୍କୁଲ ଏବଂ କଲେଜରେ ପଢୁଥିଲେ। ତେଣୁ ଉଭୟଙ୍କ ମଧ୍ୟରେ ଭଲ ବନ୍ଧୁତା ଥିଲା। କଲେଜରେ ପଢୁଥିବାବେଳେ ଏହି ବନ୍ଧୁତା ପ୍ରେମର ରୂପ ନେଇଥିଲା। ପରିବାରକୁ ଲୁଚେଇ ଡେଟ୍ରେ ଯାଉଥିଲେ। ଅନେକ ଦିନ ପରେ ରାହାଣେ ଧରାପଡିଯାଇଥିଲେ। ତାଙ୍କ ପରିବାର ରାଧିକାଙ୍କୁ ଗ୍ରହଣ କରିବାକୁ ରାଜି ଥିଲେ। କିନ୍ତୁ ଗୋଟିଏ ସର୍ତ୍ତରେ। ପିତା ରାହାଣେଙ୍କୁ ଅନ୍ତର୍ଜାତୀୟ କ୍ରିକେଟର ଭାବେ ଦେଖିବାକୁ ଚାହୁଁଥିଲେ। ତେଣୁ ସେ ସର୍ତ୍ତ ରଖିଥିଲେ ପ୍ରଥମେ ସେ କ୍ୟାରିୟର ଉପରେ ଧ୍ୟାନ ଦିଅନ୍ତୁ ତା’ପରେ ଯାଇ ବିବାହ କରିବେ। ଶେଷରେ ତାହା ହିଁ ଘଟିଥିଲେ। ଅନ୍ତର୍ଜାତୀୟ କ୍ରିକେଟ ଖେଲିବା ପରେ ରାଧିକାଙ୍କ ସହ ରାହାଣେ ବିବାହ କରିଥିଲେ।